ডিজিটেল ডেস্কঃ শ্বাকিৰাক পাহৰিব পৰা নাই পিকেই! এমাহৰ ভিতৰতে নতুন প্ৰেমিকাক ভাল নলগা হৈছিল স্পেইনৰ প্ৰাক্তন ফুটবলাৰ তাৰকা জেৰাৰ্ড পিকেৰ! পুনৰ বিচাৰিছিল প্ৰাক্তন পত্নী শ্বাকিৰাক! কিন্তু শ্বাকিৰাই কি কৰিলে?
স্পেনিছ বাতৰি কাকত 'মাৰ্কা'য়ে কৈছে যে পিকেই বিচাৰিলেও শ্বাকিৰাই আৰু নিবিচাৰে স্পেনিছ ফুটবলাৰজনক৷ স্পেনিছ ক্ৰীড়া সাংবাদিক জৰ্ডি মাৰ্টিনে কৈছে যে পিকেই শ্বাকিৰাৰ সৈতে তেওঁৰ বিচ্ছেদক লৈ অনুশোচনা কৰিছিল। বিচ্ছেদৰ এমাহৰ পিছতে তেওঁ শ্বাকিৰাৰ কাষলৈ উভতি যাবলৈ ব্যাকুল হৈ পৰিছিল। কিন্তু শ্বাকিৰাই সেই সম্পৰ্কটো পুনৰ আৰম্ভ কৰিব নিবিচাৰিলে। তাৰ পিছতে তেওঁলোক স্থায়ীভাৱে পৃথক হৈ গৈছিল।
নতুনকৈ প্ৰকাশ পোৱা পিকে শ্বাকিৰাৰ এই বাতৰিয়ে চৰ্চা লাভ কৰিছে৷ মাৰ্টিনে এইটোও দাবী কৰিছিল যে পিকে আগতে বহুবাৰ বহুলোকৰ সৈতে সম্পৰ্কত জড়িত আছিল। শ্বাকিৰাই এইসমূহ ক্ষমা কৰি দিছিল। কিন্তু তেওঁ ক্লাৰা চিয়া মাৰ্টি নামৰ যুৱতীগৰাকীৰ সৈতে পিকেৰ সম্পৰ্ক গ্ৰহণ কৰিব নোৱাৰিলে। সেয়ে বিচ্ছেদৰ সিদ্ধান্ত লৈছিল কলম্বিয়ান পপ তাৰকাগৰাকীয়ে৷
বিচ্ছেদৰ পিছতে শ্বাকিৰাৰ এটা গান মুক্তি পাইছে। এই নতুন গানটোত শাকিৰাই তেওঁৰ প্ৰাক্তন স্বামী পিকেক সমালোচনা কৰিছে। শ্বাকিৰাৰ গানটোত বিভিন্ন শব্দ আছে, যিবোৰ পিকেৰ বাবে লিখা বুলি বহুতে বিশ্বাস কৰে।
Continue Reading
