ডিজিটেল ডেস্কঃ শেহতীয়াকৈ মুক্তি পোৱা ছবি ‘জাৰা হাটকে জাৰা বচকে’ৰ বাবে এইকেইদিন লাইমলাইটত আছে বলীউডৰ অভিনেতা বিকি কৌশল। ছাৰা আলী খানৰ লগতে এই ছবিখনৰ বাবে বিকিয়ে প্ৰচাৰ অব্যাহত আছে। শেহতীয়াকৈ অভিনেতাগৰাকীয়ে পত্নী কেটৰিনা কাইফক লৈ এটা ডাঙৰ কথা প্ৰকাশ কৰিছে। তেওঁ কৈছে যে এবাৰ কেটৰিনাই মোক আপ্লুত কৰিবলৈ পঞ্জাবী গান এটা শিকিছে৷
বিকি কৌশলে পিংকভিলাৰ লগত হোৱা সাক্ষাৎকাৰত কৈছিল যে "কেটৰিনাই মোক আপ্লুত কৰিবলৈ পঞ্জাবী গান এটা শিকিছে। কিন্তু সেই সময়ত এই ভাষাটো বুজি পোৱা নাছিল, গতিকে গম পোৱা নাছিল যে কেটৰিনাই শিকি থকা গীতটো ৰোমান্টিক গীত নহয় বৰঞ্চ হিংসাৰ গীতহে।"
উল্লেখযোগ্য যে বিকি কৌশল আৰু কেটৰিনা কাইফে ২০২১ চনৰ ৯ ডিচেম্বৰত ৰাজস্থানৰ ছাৱাই মাধোপুৰৰ ছিক্স চেন্স ৰিজৰ্টত বিবাহ পাশত আবদ্ধ হৈছিল। কেটৰিনা আৰু বিকিৰ বিশেষ বন্ধু-বান্ধৱী আৰু পৰিয়ালৰ সদস্যই দুয়োৰে এই ৰাজকীয় বিবাহ অনুষ্ঠানত অংশগ্ৰহণ কৰিছিল।
Continue Reading
