ডিজিটেল ডেস্কঃ বিয়া বুলি ক’লেই জড়িত হৈ থাকে আবেগ৷ সেয়া লাগিলে কোনো অভিনেত্ৰীয়েই হওঁক বা আন কোনো যুৱতীয়েই হওঁক৷ বিয়াৰ পিছত শহুৰেকৰ ঘৰলৈ চিৰদিনৰ বাবে ওলাই যোৱাৰ পৰত প্ৰায় সকলো কইনাই কান্দে৷ স্বৰা ভাস্কৰৰ ক্ষেত্ৰতো তাৰ ব্যতিক্ৰম নঘটিল৷ সবল মনৰ নাৰী হিচাবে পৰিচিত স্বৰা ভাস্কৰে শহুৰেকৰ ঘৰলৈযোৱাৰ সময়ত কান্দোন ৰখাব নোৱাৰিলে। তেওঁৰ কান্দি থকাৰ ছবি শিঞ্জিনী নামৰ এগৰাকী বন্ধৱীয়েই সামাজিক মাধ্যমত শ্বেয়াৰ কৰিছে৷ ছবিত দেখা গৈছে স্বৰাৰ অন্য এক ৰূপ৷
স্বৰা ভাস্কৰে ১৬ ফেব্ৰুৱাৰীত ফাহাদ আহমেদৰ সৈতে বিবাহপাশত আৱদ্ধ হৈছিল। স্বৰা-ফাহাদৰ অভ্যৰ্থনা পাৰ্টিত উপস্থিত আছিল বহু ৰাজনীতিক৷ বিবাহৰ অভ্যৰ্থনা অনুষ্ঠানত মনোৰঞ্জন জগতৰ তাৰকাৰ পৰা আৰম্ভ কৰি ৰাজনৈতিক ব্যক্তিত্বলৈ সকলো উপস্থিত থকা দেখা গৈছিল৷অভ্যৰ্থনা অনুষ্ঠানত দিল্লীৰ মুখ্যমন্ত্ৰী অৰবিন্দ কেজৰিৱাল, ৰাহুল গান্ধী, অখিলেশ যাদৱ আৰু জয়া বচ্চনক উপস্থিত আছিল৷
ব্যক্তিগত অসুবিধাৰ বাবে মমতা বেনাৰ্জীয়ে উপস্থিত থাকিব পৰা নাছিল যদিও চিঠি লিখি তেওঁলোকক আশীৰ্বাদ দিছে৷ অভ্যৰ্থনা অনুষ্ঠানত স্বৰাই এটা উজ্জ্বল গুলপীয়া লেহেঙ্গা পিন্ধিছিল ৷ লগতে গহনা আৰু কপালত মংগলটিকাও পিন্ধা দেখা গৈছিল৷
আনহাতে ফাহাদক ক্ৰীম ৰঙৰ শ্বেৰৱানীত দেখা গৈছিল৷ অভ্যৰ্থনাৰ পিছত স্বৰাৰ পাল পৰিল শহুৰেকৰ ঘৰলৈ যোৱাৰ৷ তেতিয়াই যেন কান্দোন ৰখাব নোৱাৰিলে স্বৰাই৷ বহু সময় ধৰি তেওঁ কান্দিয়েই থাকিল৷ শহুৰেকৰ ঘৰলৈ যোৱাৰ পূৰ্বে স্বৰাৰ বাবে এটা কবিতা আবৃত্তি কৰা হৈছিল৷স্বৰাৰ পিতৃ উদয় ভাস্কৰেও বিদায় মুহূৰ্তত কন্যাৰ সন্মুখলৈ অহা নাছিল। কাৰণ সেই সময়ত তেওঁ গোপনে চকুলো টুকি আছিল । স্বৰাৰ বান্ধৱী শিঞ্জিনী টুইটত এই সকলোবোৰ কথা প্ৰকাশ কৰিছে৷
Continue Reading
