ডিজিটেল ডেস্ক: ‘এক ৰাষ্ট্ৰ, এক নিৰ্বাচন’ ধাৰণাক সমূলি নাকচ কৰিছে বংগকন্যা মমতা বেনাৰ্জীয়ে৷ পশ্চিম বংগৰ মুখ্যমন্ত্ৰীগৰাকীয়ে বৃহস্পতিবাৰে বিতৰ্কিত ‘এক ৰাষ্ট্ৰ, এক নিৰ্বাচন’ ধাৰণাটোক আক্ৰমণ কৰি এই ধাৰণাক ‘সংবিধানৰ মৌলিক গাঁথনি কলুষিত কৰাৰ এক পৰিকল্পনা’ বুলি অভিহিত কৰে৷
বেনাৰ্জীয়ে কয়, ‘মই স্বৈৰাচাৰৰ বিৰোধী আৰু সেয়েহে ‘এক ৰাষ্ট্ৰ, এক নিৰ্বাচন’ ডিজাইনটোৰো বিৰোধী।’ মমতাই দেশৰ যুক্তৰাষ্ট্ৰীয় ব্যৱস্থাক বিজেপিয়ে কলুষিত কৰাৰ অভিযোগ উত্থাপন কৰিছে৷
প্ৰাক্তন ৰাষ্ট্ৰপতি ৰামনাথ কোবিন্দৰ নেতৃত্বত এখন উচ্চ পৰ্যায়ৰ সমিতিৰ সচিব ড° নিটেন চন্দ্ৰলৈ লিখা এক বিতং পত্ৰত ‘এক ৰাষ্ট্ৰ, এক নিৰ্বাচন’ ধাৰণা ৰূপায়ণৰ বাবে পৰামৰ্শ বিচাৰিছে৷ তৃণমূল কংগ্ৰেছৰ নেত্ৰীগৰাকীয়ে কয় যে এই নীতিৰ সৈতে মৌলিক ধাৰণাগত অসুবিধা আছে, লগতে পদ্ধতিগত দৃষ্টিভংগীৰ সৈতে আছে বহু অসুবিধা৷
মমতা বেনাৰ্জীয়ে উত্থাপন কৰা দুটা ধাৰণামূলক বিষয় আছিল ‘এক ৰাষ্ট্ৰ’ শব্দাংশৰ সাংবিধানিক আৰু গাঁথনিগত প্ৰভাৱ আৰু গুৰুত্বপূৰ্ণভাৱে সংসদীয় আৰু বিধানসভা নিৰ্বাচনৰ সময়ৰ ওপৰত প্ৰশ্ন৷
তেওঁ লগতে কয়, ১৯৫২ত কেন্দ্ৰৰ লগতে ৰাজ্যসমূহৰ বাবে একেসময়তে প্ৰথম সাধাৰণ নিৰ্বাচন অনুষ্ঠিত কৰা হৈছিল। কিছু বহুবছৰধৰি এনে ধৰণৰ ‘চাইমনটেনিয়াছলি’ আছিল কিন্তু এইটো তেতিয়াৰ পৰা বিচ্ছিন্ন হৈছে৷ বিভিন্ন ৰাজ্যত এতিয়া বিভিন্ন নিৰ্বাচনৰ কেলেণ্ডাৰ আছে আৰু সেইবোৰ ৰাজনৈতিক বিকাশৰ বাবে পৰিৱৰ্তনৰ প্ৰতিও সংবেদনশীল। যিবোৰ ৰাজ্যই নিৰ্বাচন আশা নকৰে তেওঁলোকক কেৱল কোৱেলিটি প্ৰৱৰ্তনৰ বাবে নিৰ্বাচন অনুষ্ঠিত কৰিবলৈ বাধ্য কৰিব নালাগে৷ বেনাৰ্জীয়ে ‘এক ৰাষ্ট্ৰ, এক নিৰ্বাচন’ ধাৰণাত সম্ভাৱ্য বিভাজনৰ কথাও উল্লেখ কৰে৷
Continue Reading
