ডিজিটেল ডেস্কঃ কেৰালাৰ বিখ্যাত লুলু মলৰ পৰা পোহৰলৈ আহিছে চাঞ্চল্যকৰ খবৰ, য’ত আই টি কোম্পানীত কৰ্মৰত এজন যুৱকে এনে ঘটনা সংঘটিত কৰিবলৈ চেষ্টা কৰিছিল, যিটো ঘটনাই আপোনাক আচৰিত কৰি তুলিব। যুৱকজনে বোৰ্খা পিন্ধি মহিলাৰ বাথৰুমত প্ৰৱেশ কৰি মোবাইলৰ সহায়ত মহিলাকেইগৰাকীৰ ভিডিঅ’ বনাবলৈ আৰম্ভ কৰে। এই ঘটনা চৰ্চালৈ অহাৰ পাছত লগে লগে আৰক্ষীয়ে গ্ৰেপ্তাৰ কৰে। আৰক্ষীয়ে যুৱকজনৰ বিৰুদ্ধে আই পি চি ধাৰা ৩৫৪, ছদ্মবেশৰ ৪১৯ ধাৰা আৰু লুকাই চুৰকৈ চোৱাৰ বাবে ধাৰা ৩৬৪-ই আৰু আই টি আইনৰ ৩৬৪-ই ধাৰাত গোচৰ ৰুজু কৰিছে। স্থানীয় আৰক্ষীৰ তথ্য অনুসৰি যুৱকজনক ১৪ দিনৰ বাবে ন্যায়িক জিম্মালৈ প্ৰেৰণ কৰা হৈছে।
আৰক্ষীয়ে আৰু কয় যে যুৱকজনে ইনকোপাৰ্কত অৱস্থিত এটা সুনাম থকা আই টি কোম্পানীত কাম কৰি আছে। বুধবাৰে এই ঘটনা সংঘটিত কৰে অভিযুক্তই। অভিযুক্তই স্বীকাৰোক্তি দিয়ে যে তেওঁ বাথৰুমত সৰু কাৰ্ড বৰ্ড এখনত মোবাইলটো ৰাখিছিল৷ আৰক্ষীয়ে গ্ৰেপ্তাৰ কৰাৰ পাছত জব্দ কৰিছে যুৱকজনৰ ফোন। অভিযুক্তই লগতে কয় যে তেওঁ আগতেও এনে কাম কৰিছিল আৰু ইয়াৰ পূৰ্বেও তেওঁক এই অভিযোগত গ্ৰেপ্তাৰ কৰা হৈছিল।
এই ঘটনাৰ সৈতে জড়িত এটা ভিডিঅ’ও ভাইৰেল হৈ আছে, য’ত যুৱকজনক বোৰ্খা পিন্ধা অৱস্থাত দেখা গৈছে। ভিডিঅ'টোত দেখিব যে বহু লোকে অভিযুক্তক ধৰিছে। এনে ঘটনাৰ পাছত নাৰীৰ সুৰক্ষাক লৈ বহু প্ৰশ্ন উত্থাপন হৈছে। মল হৈছে মহিলাসকলে বজাৰ কৰিবলৈ যোৱা ঠাই আৰু এনে ঠাইত এনে ভুল হোৱাটোৱে স্বাভাৱিকতে জোকাৰণিৰ সৃষ্টি কৰে।
Continue Reading
