ডিজিটেল ডেস্কঃ যুৱ প্ৰন্মক বিপথগামী কৰি তোলা অনলাই গেমিঙৰ বিৰুদ্ধে কঠোৰ হৈ পৰিছে কৰ্ণাটকৰ চৰকাৰ। কৰ্ণাটকৰ প্ৰাক্তন মন্ত্ৰী তথা বিজেপিৰ জ্যেষ্ঠ বিধায়ক সুৰেশ কুমাৰে কেন্দ্ৰীয় বিত্ত মন্ত্ৰী নিৰ্মলা সীতাৰমণলৈ এই বিষয়ত এখন পত্ৰ লিখি অনলাইন গেমিং কোম্পানীসমূহৰ দ্বাৰা বিজ্ঞাপন, বিপণন আৰু টেক্সটিং নিষিদ্ধ কৰাৰ বাবে তাৎক্ষণিক পদক্ষেপ ল'বলৈ অনুৰোধ জনাইছে।
তেওঁ এই কথালৈ আঙুলিয়াই দিছে যে সমগ্ৰ দেশৰ আৰক্ষীয়ে এই কথা নিশ্চিত কৰিছে যে অনলাইন গেমিঙৰ বাবে বহু মানুহে ধন হেৰুৱাই সৰ্বস্বান্ত হৈছে।অনলাইন জুৱাই বহুতৰে জীৱন ধ্বংস কৰা বুলিও তেওঁ কয়।
পত্ৰ খনত তেওঁ লিখিছে "কৰ্ণাটকৰ বেংগালুৰুৰ ৰাজজীনগৰ বিধানসভা সমষ্টিক প্ৰতিনিধিত্ব কৰা এজন বিধায়ক হিচাপে, মই মোৰ নিজৰ সমষ্টিৰ লগতে বেংগালুৰুৰ আন প্ৰান্তৰ বাসিন্দাসকলৰ কেইবাজনো বন্ধু আৰু অভিভাৱকৰ পৰা অনলাইন গেমিঙৰ বিষয়ে মৌখিক অভিযোগলাভ কৰিছো ।
তেওঁলোকৰ মোবাইল ফোনত টেক্সট মেচেজ আৰু অবাঞ্ছিত মাৰ্কেটিং কল কৰি তেওঁলোকক তেওঁলোকৰ ধন বাজি ধৰি অনলাইন ৰামি খেলিবলৈ প্ৰলোভিত কৰিবলৈ চেষ্টা কৰা হৈছে," কুমাৰে কয়।
পত্ৰ খনত তেওঁ উল্লেখ কৰিছে "মোৰ দৃঢ় দৃষ্টিভংগী হৈছে যে ধনজড়িত অনলাইন গেমৰ ক্ষেত্ৰত কঠোৰ নিয়ম প্ৰযোজ্য হ'ব লাগে। মই অৱগত যে আদালতবোৰে দক্ষতা ভিত্তিক অনলাইন গেমৰ আইনী বৈধতা বজাই ৰাখিছে, কিন্তু মানুহক প্ৰলোভিত কৰিবলৈ অনলাইন গেমিং কোম্পানীবোৰৰ দ্বাৰা বিজ্ঞাপন/বিপণন/টেক্সটিং নিষিদ্ধ কৰাৰ বিষয়ত চৰকাৰৰ ওপৰত কোনো বাধা আৰোপ কৰা নাই " ।
Continue Reading
