তাজ ভিভাণ্টাত অনুষ্ঠিত অসম ৰাইজিং বঁটা প্ৰদান আৰু সম্বৰ্ধনা অনুষ্ঠান, বিশিষ্ট সাংবাদিক ধীৰেন্দ্ৰ নাথ বেজবৰুৱাক 'দৈনন্দিন বাৰ্তা' বঁটা প্ৰদান ৰাজ্যপালৰ

দিনৰ ১-৪৫  বজাত-প্ৰশ্ন উত্তৰ অধিৱেশন অনুষ্ঠিত হয় আৰু দিনৰ ২  বজাত-মধ্যাহ্ন ভোজন বিৰতি। আবেলি ৩ বজাত অনুষ্ঠিত হয় সন্মিলনৰ তৃতীয় অংশ। সন্মিলনৰ বিষয় আছিল অসমত বাল্য বিবাহে মাতি অনা  বিপদ। আবেলি ৪-৩০  বজাত-প্ৰশ্ন উত্তৰ অধিৱেশন অনুষ্ঠিত হয়। সন্ধিয়া ৫-৩০  বজাত-অসম ৰাইজিং বঁটা আৰু সম্বৰ্ধনা কাৰ্যসূচী অনুষ্ঠিত হয় । অসমৰ ৰাজ্যপাল গুলাব চান্দ কাটাৰিয়াই  চতুৰ্দশ অসম ৰাইজিং য়ুথ কনক্লেভৰ সামৰণি অধিৱেশন আৰু আলোক প্ৰভনজন  ৱেলফেয়াৰ চ'চাইটিৰ বঁটা তথা  সম্বৰ্ধনা প্ৰদান  কাৰ্যসূচীত অংশগ্ৰহণ কৰে। অনুষ্ঠানত ভাষণ প্ৰদান কৰি  কাটাৰিয়াই কয়, "ভাৰত এখন যুৱ ৰাষ্ট্ৰ আৰু আমি বিশ্বৰ সৰ্ববৃহৎ যুৱ শক্তি লাভ কৰিবলৈ পাই সৌভাগ্যৱান। 

আমি এই যুৱ শক্তিক সঠিকভাৱে পৰিচালনা কৰিব লাগিব। গুণগত শিক্ষাৰ জৰিয়তে তেওঁলোকক দক্ষ  কৰি তুলিব  লাগিব। আমি যুৱসকলক ৰাষ্ট্ৰীয় মনোভাৱৰে অনুপ্ৰাণিত কৰাৰ বাবেও কাম কৰিব লাগিব, তেতিয়াহে আমি যুৱসকলক উন্নত ভাৰত গঢ়ি তোলাৰ দিশত আগুৱাই নিয়াত সফল হ'ম।" কাটাৰিয়াই লগতে কয় যে দেশত সংঘটিত হোৱা সকলো গুৰুত্বপূৰ্ণ পৰিৱৰ্তন কেৱল যুৱসকলৰ শক্তিশালী ইচ্ছাশক্তিৰ বাবেহে সম্ভৱ হৈছে আৰু তেওঁলোকক সঠিক দিশত অনুপ্ৰাণিত কৰা প্ৰয়োজন। যদিও তেওঁলোকৰ উৎসাহ আছে আৰু  তথাপি তেওঁলোকক সফলতাৰ শীৰ্ষত উপনীত হোৱাত সহায় কৰিবলৈ তেওঁলোকৰ শক্তিক সঠিক দিশেৰে পৰিচালিব কৰিব লাগিব। আমাৰ দেশৰ ভৱিষ্যত যুৱসকলৰ কঠোৰ পৰিশ্ৰম আৰু দক্ষতাৰ ওপৰত নিৰ্ভৰ কৰে। কাটাৰিয়াই লগতে কয় যে প্ৰধানমন্ত্ৰী  মোদীৰ নেতৃত্বত ৰাষ্ট্ৰীয় দক্ষতা বিকাশ আৰু উদ্যোগনীতিৰ জৰিয়তে অভূতপূৰ্ব উন্নয়নৰ লক্ষ্য নিৰ্ধাৰণ কৰা হৈছে। ৰাষ্ট্ৰখন দ্ৰুতগতিত আত্মনিৰ্ভৰশীলতাৰ লক্ষ্যৰ দিশে আগবাঢ়িছে। সেয়েহে, ষ্টাৰ্টআপ, উদ্যোগ আৰু দক্ষতা বিকাশৰ দৰে পদক্ষেপে এক গুৰুত্বপূৰ্ণ ভূমিকা পালন কৰিছে বুলিও তেওঁ কয় ।ৰাজ্যপালগৰাকীয়ে কয়  "আজি অপেক্ষা কৰাৰ আৰু চৰকাৰী চাকৰি বিচৰা সময় নহয়, নিজৰ উদ্যোগ স্থাপন কৰা আৰু আনক নিযুক্তি প্ৰদান কৰাৰ সময়," । এই অনুষ্ঠানতে  বিশিষ্ট সাংবাদিক ধীৰেন্দ্ৰ নাথ বেজবৰুৱাক 'দৈনন্দিন বাৰ্তা' বঁটা প্ৰদান কৰা হয় । ৰাজ্যপালে কাটাৰিয়াই  এই বঁটা প্ৰদান কৰি বিশিষ্ট সাংবাদিক বেজবৰুৱাক   প্ৰশংসা কৰে।