ডিজিটেল ডেস্কঃ তাজ নগৰী আগ্ৰাত বান্দৰ আৰু ৰাজহাঁহৰ আতংক এতিয়াও শেষ হোৱা নাই। ক্ৰমাৎ বৃদ্ধি পোৱা গৰমৰ লগতে বান্দৰ আৰু হাঁহবোৰ অধিক আক্ৰমণাত্মক হৈ পৰিছে, যাৰ বাবে ইহঁতে বাটত মানুহক আক্ৰমণ কৰিবলৈ লৈছে। শেহতীয়াকৈ তাজমহল চাবলৈ অহা এগৰাকী ৰাছিয়ান পৰ্যটকক এটা বান্দৰে আক্ৰমণ কৰি আহত কৰে।
দেওবাৰে তাজমহল দৰ্শন কৰিবলৈ আগ্ৰাত উপস্থিত হোৱা এজন ৰাছিয়ান পৰ্যটকক বান্দৰে আক্ৰমণ কৰে। বান্দৰটোৱে ৰাছিয়ান মহিলাগৰাকীৰ ওপৰত আক্ৰমণ চলাই হাতখনত কামোৰ মাৰে। মহিলাগৰাকীয়ে ঘটনাটোত হুলস্থূল লগালে। বান্দৰৰ আক্ৰমণত আহত হোৱাৰ পাছত লগে লগে তেওঁক আগ্ৰা জিলা চিকিৎসালয়লৈ লৈ যোৱা হয়, য’ত তেওঁক প্ৰাথমিক চিকিৎসা প্ৰদান কৰা হয়, লগতে তেওঁক জলাতংক ৰোগৰ ভেকচিনো দিয়া হয়।
আগ্ৰাৰ তাজমহল কমপ্লেক্সত বিদেশী পৰ্যটকক বান্দৰে আক্ৰমণ কৰাৰ এয়া প্ৰথম ঘটনা নহয়। বহু সময়ত বান্দৰ বা হাঁহে ইয়াত পৰ্যটকক লক্ষ্য কৰি লৈছে। য’ত বিদেশী পৰ্যটক বহুবাৰ আহত হৈছে।
প্ৰেমৰ প্ৰতীক বুলি কোৱা বগা মাৰ্বলৰে নিৰ্মিত এক সুন্দৰ অট্টালিকা তাজমহল চাবলৈ দেশৰ লগতে বিশ্বৰ বিভিন্ন প্ৰান্তৰ পৰা পৰ্যটকসকল আগ্ৰাত উপস্থিত হয়। প্ৰতিদিনে বৃহৎ সংখ্যক পৰ্যটকে ইয়াৰ তাজ ভ্ৰমণ কৰে যদিও বান্দৰৰ আতংকই তেওঁলোকক অশান্তি দিয়ে। এই ক্ষেত্ৰত প্ৰশাসন ব্যৰ্থ হৈছে।
Continue Reading
