শেহতীয়াকৈ ৰুবী খান নামৰ এগৰাকী এইচ আৰ পেছাদাৰীয়ে মুম্বাইৰ তাজমহল হোটেলৰ সৈতে জড়িত এটা সুন্দৰ কাহিনী শ্বেয়াৰ কৰিছে। তাজমহল হোটেলত থকাৰ সময়ছোৱাত হোটেলৰ প্ৰৱেশদ্বাৰত এটা কুকুৰ শান্তিৰে শুই থকা দেখি তেওঁ আচৰিত হৈছিল।

Listen to Article

2 min read

80%

ডিজিটেল ডেস্কঃ শেহতীয়াকৈ ৰুবী খান নামৰ এগৰাকী এইচ আৰ পেছাদাৰীয়ে মুম্বাইৰ তাজমহল হোটেলৰ সৈতে জড়িত এটা সুন্দৰ কাহিনী শ্বেয়াৰ কৰিছে। তাজমহল হোটেলত থকাৰ সময়ছোৱাত হোটেলৰ প্ৰৱেশদ্বাৰত এটা কুকুৰ শান্তিৰে শুই থকা দেখি তেওঁ আচৰিত হৈছিল।

কুকুৰটোৰ উপস্থিতিয়ে ৰুবী খানৰ কৌতুহল জগাই তুলিলে। ষ্টাফৰ পৰা এই বিষয়ে সোধাত তেওঁক কোৱা হৈছিল যে কুকুৰটো জন্মৰ পৰাই হোটেলৰ চৌহদত বাস কৰি আহিছে। কৰ্মচাৰীসকলে জনোৱা মতে, হোটেল চৌহদত প্ৰৱেশ কৰা জীৱ-জন্তুৰ সৈতে ভাল আচৰণ কৰিবলৈ ৰতন টাটাই কঠোৰ নিৰ্দেশ দিছে।

লিংকডইনৰ এটা পোষ্টত খানে লিখিছে, "...এই ঠাইখনে (তাজমহল হোটেল) ৰাজনৈতিক বিশিষ্ট ব্যক্তিৰ পৰা আৰম্ভ কৰি ৰাষ্ট্ৰীয় আৰু আন্তঃৰাষ্ট্ৰীয় চেলিব্ৰিটিলৈকে ইমানবোৰ অতিথি আতিথ্য প্ৰদান কৰে, ইয়াৰ দেৱালৰ ভিতৰতে সকলোৰে মূল্য দিয়া হয়। এনে এটা সন্মানীয় প্ৰতিষ্ঠানৰ প্ৰৱেশদ্বাৰ অতি গুৰুত্বপূৰ্ণ আৰু তাত তেওঁ (এটা কুকুৰ) শান্তিৰে শুই আছিল, সম্ভৱতঃ কোনো অতিথিৰ চকুত পৰা নাছিল।"

ৰতন টাটাক উদ্দেশ্য কৰি কয় যে "আপুনি আটাইতকৈ সফল উদ্যোগী। সকলোকে সন্মান দিয়া আৰু আকোৱালি লোৱা এই যাত্ৰা কেতিয়াও বন্ধ নহওক।"

পোষ্টটো শ্বেয়াৰ কৰাৰ পিছত ভাইৰেল হৈ পৰে। এই বিষয়ত হোটেলখনেও মন্তব্য কৰে। তাজ হোটেলে খানৰ পোষ্টটোৰ ওপৰত মন্তব্য কৰি লিখিছে, "হাই ৰুবী, এই কাহিনীটো শ্বেয়াৰ কৰাৰ বাবে ধন্যবাদ। তাজত আমি দয়া আৰু সহানুভূতিক মূল্য দিওঁ, প্ৰতিজন অতিথিয়ে যাতে ঘৰত থকাৰ দৰে অনুভৱ কৰে "আপোনাৰ অভিজ্ঞতা সঁচাকৈয়ে আমাৰ মূল মূল্যবোধৰ সৈতে মিল খাইছে।"