ডিজিটেল ডেস্কঃ আজিকালি সংগীত জগতখনে প্ৰতিদিনে কঠিন পৰিস্থিতিৰ সন্মুখীন হৈছে। যোৱা বছৰ জনপ্ৰিয় গায়ক সিদ্ধু মুছেৱালাক হত্যা কৰাৰ বিপৰীতে আনফালে বিখ্যাত গায়ক তথা ৰেপাৰ হানি সিঙক মৃত্যুৰ ভাবুকি দিয়া হৈছে। আৰু শেহতীয়াকৈ জনপ্ৰিয় তামিল ৰেপাৰ দেৱ আনন্দক ঘৰলৈ উভতি অহাৰ সময়ত চেন্নাই- বেংগালুৰু ঘাইপথত অপহৰণ কৰা হৈছে। আৰক্ষীয়ে জনোৱা মতে, চিচিটিভিৰ ফুটেজৰ তদন্ত বৰ্তমানেও অব্যাহত আছে।
খবৰ অনুসৰি দেৱৰ পৰিয়ালটোৱে নিৰুদ্দেশ হোৱাৰ অভিযোগ দাখিল কৰিছিল আৰু তদন্তৰ অন্তত ৰেপাৰজনক দহজনীয়া এটা দলে অপহৰণ কৰা বুলি জানিব পৰা গৈছে। চিচিটিভিৰ ফুটেজত দেখা পোৱা লোকসকলৰ চিনাক্তকৰণ এতিয়াও হোৱা নাই।
এজন জ্যেষ্ঠ আৰক্ষী বিষয়াই লগতে কয় যে চেন্নাইৰ আৰক্ষী মুখ্য কাৰ্যালয়ত দেৱ আনন্দৰ ভাতৃয়ে এজন ব্যক্তিৰ পৰা ২.৫ কোটি টকাৰ ঋণ লৈছিল আৰু সময়মতে ধন ঘূৰাই দিয়া নাছিল৷ এই সন্দৰ্ভত আৰক্ষীয়ে অধিক তদন্তৰ যৎপৰোনাস্তি চেষ্টা কৰি আছে৷
উল্লেখযোগ্য যে,দেৱ আনন্দ হৈছে ৰেপ মিউজিক আৰ্টিষ্ট। অপহৰণৰ দিনা নুংগামংকামৰ এটা ব্যক্তিগত হলত বিশ্ব সংগীত দিৱসৰ কাৰ্যসূচীত অংশগ্ৰহণ কৰে।ৱৰ্ল্ড মিউজিক প্ৰগ্ৰেমত অংশগ্ৰহণ কৰাৰ পিছত দেৱ আন বন্ধুৰ সৈতে থিৰুভেৰকাডুৰ ওচৰৰ মাদুৰাৱায়াল বাইপাছ ৰোডলৈ যায়। তাৰ পাছত গাড়ীখনক এছ ইউ ভিয়ে বাধা দিয়ে, তাৰ পাছত তেওঁলোকে কেৱল দেৱ আনন্দক অপহৰণ কৰে, পৰৱৰ্তী সময়ত বন্ধুসকলে অভিযোগ দাখিল কৰিবলৈ থানালৈ যায়।এই সন্দৰ্ভত বৰ্তমান আৰক্ষীৰ তদন্ত অব্যাহত আছে৷
Continue Reading
