ডিজিটেল ডেস্কঃ এক ভয়ংকৰ দুৰ্ঘটনা সংঘটিত হৈছে দেশৰ অগ্ৰণী ঔদ্যোগিক প্ৰতিষ্ঠান টাটা ষ্টীলৰ এক কাৰখানাত। উৰিষ্যাৰ ধেংকনাল জিলাৰ টাটা ষ্টীলৰ মেৰামণ্ডলী কাৰখানাত ভাপ নিৰ্গত হোৱাৰ ফলত প্ৰায় ১৯ গৰাকী লোক আহত হয়।
ভাপত গুৰুতৰভাৱে দগ্ধ হোৱা কৰ্মচাৰীসকলক লগে লগে কটকৰ এখন ব্যক্তিগত চিকিৎসালয়লৈ প্ৰেৰণ কৰা হয়। ঘটনা সন্দৰ্ভত টাটা ষ্টীলে এক বিবৃতি প্ৰকাশ কৰিছে।বিবৃতিত প্ৰতিষ্ঠানটোৱে জানিবলৈ দিয়া মতে, শ্ৰমিক তথা কৰ্মচাৰীসকলে কাৰখানাৰ ব্লাষ্ট ফাৰ্নেচ পৰিদৰ্শন কৰি থকাৰ সময়তে সংঘটিত হয় এই দুৰ্ঘটনা।
আহতসকলক তাৎক্ষণিকভাৱে উদ্যোগ চৌহদৰ ভিতৰৰ অকুপেচনেল হেল্থ চেণ্টাৰলৈ নিয়া হয় যদিও পিছত উন্নত চিকিৎসাৰ বাবে কটকলৈ লৈ যোৱা হয় বুলি বিবৃতিটোত লগতে উল্লেখ কৰা হৈছে। টাটা ষ্টীলে লগতে দুৰ্ঘটনাৰ কাৰণ নিৰ্ণয়ৰ বাবে আভ্যন্তৰীণ তদন্ত আৰম্ভ কৰা হৈছে বুলি বিবৃতিটোত জানিবলৈ দিয়ে।
আৰু পঢ়ক : কুৰুক্ষেত্ৰৰ ৰাজপথত অব্যাহত কৃষকসকলৰ আন্দোলন! আজিও নিজৰ প্ৰাপ্যৰ বাবে ৰ’দক নেওচি ৰাস্তাত বহিল কৃষক
Continue Reading
