ডিজিটেল ডেস্কঃ প্ৰাক্তন পেচাৰ অজিত আগৰকাৰক মঙলবাৰে টীম ইণ্ডিয়াৰ চিলেক্টৰ ব’র্ডৰ অধ্যক্ষ হিচাপে নিযুক্তি দিয়া হয়। বিচিচিআইৰ বিষয়াৰে গঠিত ক্ৰিকেট উপদেষ্টা সমিতিয়ে পুৰুষ দলৰ চিলেক্টৰ ব’ৰ্ডৰ অধ্যক্ষ পদৰ আবেদনকাৰীৰ সাক্ষাৎকাৰ লৈ আগৰকাৰক সৰ্বসন্মতিক্ৰমে নিযুক্তি দিয়াৰ পৰামৰ্শ দিয়ে।
বিচিচিআইৰ মতে, তিনিজনীয়া কমিটীয়ে জ্যেষ্ঠতাৰ ওপৰত ভিত্তি কৰি ৪৫ বছৰীয়া আগৰকাৰক পুৰুষৰ বাছনি সমিতিৰ অধ্যক্ষৰ ভূমিকাৰ বাবে নিৰ্বাচিত কৰে।
উল্লেখযোগ্য যে ভাৰতীয় টেলিভিছন নেটৱৰ্কে চেতন শৰ্মাই তেওঁৰ ওপৰত চলোৱা ষ্টিং অপাৰেচনৰ পৰিপ্ৰেক্ষিতত ফেব্ৰুৱাৰী মাহত পদত্যাগ কৰাৰ পিছৰে পৰা মুখ্য নিৰ্বাচকৰ পদ খালী হৈ আছিল। শিৱসুন্দৰ দাস অস্থায়ীভাৱে কৰ্মৰত আছিল।
ইয়াৰ লগে লগে আগৰকাৰক অধ্যক্ষ হিচাপে ৰাখি শিৱ সুন্দৰ দাস, সলিল অংকোলা, সুব্ৰতো বেনাৰ্জী আৰু এছ শৰথে চিলেক্টৰিয়েল ব’ৰ্ডৰ সদস্য হিচাপে থাকে।
উল্লেখ্য যে ৪৫ বছৰীয়া আগৰকাৰে দেশৰ হৈ ১৯৯৮ চনৰ পৰা ২০০৭ চনলৈকে ২৬খন টেষ্ট, ১৯১খন এদিনীয়া আৰু ৪খন টি-২০ মেচ খেলিছিল। দীৰ্ঘদিন ধৰি মুম্বাইৰ হৈ প্ৰথম শ্ৰেণীৰ ক্ৰিকেট খেলাৰ অভিজ্ঞতাও তেওঁৰ আছে।
Continue Reading
