ডিজিটেল ডেস্কঃ ভাৰতীয় দলত এইবাৰ নতুন প্ৰশিক্ষকৰ চৰিত্ৰত ৰিংকু সিং! অষ্ট্ৰেলিয়াৰ বিৰুদ্ধে দ্বিতীয়খন টি-২০ খেলৰ পূৰ্বে দলৰ ক্ৰিকেটাৰসকলক শিকাইছে কলকাতা নাইট ৰাইডাৰ্ছৰ বেটছমেনজনে। ৰিংকুৱে কি শিকাইছে? শীতল মস্তিষ্কৰে মেচ কেনেকৈ জিকিব লাগে সেই বিষয়ে শিকাইছে ৰিংকুৱে।
ৰিংকুৰ পৰা শিকাৰ কথা মুকলিকৈ কয় তিলক বৰ্মাই। ভাৰতীয় ক্ৰিকেটাৰগৰাকীয়ে কয়- ''আমি ৰিংকুৰ পৰা শিকিছো যে খেলখন কেনেকৈ শেষ কৰিব পাৰি। তেওঁ এই কামটো ধাৰাবাহিকভাৱে কৰি আছে। আমিও পৰৱৰ্তী মেচত সেইটো কৰিব বিচাৰো যদিহে আমি সুযোগ পাওঁ।’’
অষ্ট্ৰেলিয়াৰ বিৰুদ্ধে জয়লাভ কৰি দললৈ উভতি আহিছে ৰিংকুৱে। শেষৰ অভাৰত ইটোৰ পিছত সিটোকৈ উইকেট যোৱাৰ পাছতো তেওঁ শান্ত হৈ থাকিল। শেষৰ বলৰ পৰা ১ ৰানৰ প্ৰয়োজন হৈছিল। ৰিংকুৱে ছয় মাৰিলে। কিন্তু সেই বলটো ন’ বল হোৱাৰ বাবে তেওঁ ৰান নাপালে। অৱশ্যে কোনো সমস্যা নাছিল। দল জয় হ’ল।
যোৱাবাৰ আই পি এলত কে কে আৰৰ হৈ এই কাম ধাৰাবাহিকভাৱে কৰিছিল ৰিংকুৱে। গুজৰাট টাইটানছৰ বিৰুদ্ধে শেষৰ পাঁচটা বলত ৫টা ছয় মাৰি কলকাতা জয় কৰে। ৰিংকুৱে ১৪খন মেচত ১৪৯.৫৩ ষ্ট্ৰাইক ৰেটত ৪৭৪ ৰান সংগ্ৰহ কৰে। আই পি এলত ভাল খেলি ভাৰতৰ টি-২০ দলত সুযোগ পালে। বাওঁহাতৰ বেটছমেনে তাত একে কাম কৰি আছে।
Continue Reading
