ডিজিটেল ডেস্কঃ ডায়েবেটিছ এতিয়া সমগ্ৰ বিশ্বৰে এক গুৰুতৰ স্বাস্থ্য সমস্যা হৈ পৰিছে। আয়ুৰ্বেদৰ জড়িয়তে ডায়েবেটিছ ভালে খিনি নিয়ন্ত্ৰণত ৰাখিব পাৰি। এতিয়া বিশ্বৰ বহু উন্নত দেশে ভাৰতীয় আয়ুৰ্বেদক গ্ৰহণ কৰিছে। ডায়েবেটিছ এতিয়া বিশ্বৰ লগতে ভাৰতৰ বাবেও এক ডাঙৰ স্বাস্থ্যজনিত সমস্যা হৈ পৰিছে৷
তেজত শৰ্কৰাৰ পৰিমাণ কমাই ৰাখিব পাৰিলে ডায়েবেটিছ নিয়ন্ত্ৰণত ৰাখিব পাৰি৷ ডায়েবেটিছ ৰোগীয়ে তেজত শৰ্কৰাৰ পৰিমাণ নিয়ন্ত্ৰণ কৰি ৰাখিবলৈ চাহৰ সৈতে ডালচেনি খাব পাৰে বুলি স্বাস্থ্য বিজ্ঞানীসকলে কৈ আহিছে ।
শৰীৰত ইনচুলিন হৰমনৰ ভাৰসাম্য ৰক্ষা কৰাত ডালচেনিয়ে সহায় কৰে৷ ইণ্টাৰনেচনেল জাৰ্নেল অফ ফুড চায়েন্সছৰ মতে যদি ৰক্ত শৰ্কৰাৰ স্তৰ উচ্চ হয়, প্ৰতিদিনে ৩ ৰ পৰা ৬ গ্ৰাম ডালচেনিৰ গুৰি খাদ্য তালিকাত ৰাখিব পাৰি। অধ্যয়নে দেখুৱাইছে যে এই মচলাবিধে কোনো ঔষধ অবিহনেই ডায়েবেটিছ ৰোগীৰ তেজত শৰ্কৰাৰ স্তৰ নিয়ন্ত্ৰণ কৰাত সহায় কৰে।
বিশেষজ্ঞসকলৰ মতে ডালচেনিয়ে কেৱল ডায়েবেটিছৰ লগতে তেজত কলেষ্টেৰল আৰু অন্যান্য খনিজ পদাৰ্থৰ ভাৰসাম্যও ৰক্ষা কৰাত সহায় কৰে। চাহৰ সৈতে খোৱাৰ লগতে ডালচেনিৰ গুৰি বা ডালচেনিৰ টুকুৰা উতলা পানীত প্ৰায় দুই মিনিট সময় উতলায়ো চাহৰ দৰে খাব পাৰি। ৰাতিৰ আহাৰৰ পিছত আৰু শুবলৈ যোৱাৰ এঘণ্টা বা আধা ঘণ্টা আগতে এনেদৰে খালে সুফল নিশ্চয়কৈ পাব৷
Continue Reading
