ডিজিটেল ডেস্কঃ কেন্দ্ৰীয় গৃহমন্ত্ৰী অমিত শ্বাহে ৰাম মন্দিৰৰ বিষয়টোক লৈ কংগ্ৰেছক তীব্ৰ সমালোচনা কৰিছে। তেওঁ কয় যে অনুষ্ঠানটোলৈ নহাকৈ থাকি কংগ্ৰেছে দিয়া বাৰ্তাটো দেশৰ ৰাইজে স্মৰণ কৰিব।
নতুন দিল্লীত বিজেপিৰ ৰাষ্ট্ৰীয় অধিৱেশনত ভাষণ দি শ্বাহে কয় "মই আজি কংগ্ৰেছক সতৰ্ক কৰি দিব বিচাৰো। ৰাম লালাৰ জীৱন প্ৰতিষ্ঠা অনুষ্ঠানৰ আমন্ত্ৰণ প্ৰত্যাখ্যান কৰি তেওঁলোকে কেৱল সেই ঐতিহাসিক মুহূৰ্তটো চাবলৈ যে অনিচ্ছুক আছিল সেয়াই নহয়, তেওঁলোকে দেশখনক মহান কৰি তোলাৰ প্ৰক্ৰিয়াৰ পৰা নিজকে আঁতৰাই ৰাখিছিল। দেশৰ মানুহে সকলো দেখিছে আৰু সকলো কথা মনতো ৰাখিব। "
ভাষণত গৃহমন্ত্ৰীয়ে ইণ্ডিয়া এলায়েন্সকো আক্ৰমণ কৰে। শ্বাহে কয় "তেওঁলোকৰ (ইণ্ডিয়া মিত্ৰজোঁটৰ) ৰাজনৈতিক লক্ষ্য কি? প্ৰধানমন্ত্ৰীয়ে এখন স্বাৱসম্বী ভাৰত গঢ়ি তুলিব বিচাৰিছে আৰু ছোনিয়া গান্ধীয়ে ৰাহুল গান্ধীক প্ৰধানমন্ত্ৰী কৰিব বিচাৰিছে। পাৱাৰৰ লক্ষ্য হৈছে তেওঁৰ কন্যাক মুখ্যমন্ত্ৰী পদত বহুৱা। এম কে ষ্টালিনে তেওঁৰ পুত্ৰক মুখ্যমন্ত্ৰী কৰিব বিচাৰে। লালু যাদৱে তেওঁৰ পুত্ৰক মুখ্যমন্ত্ৰী হোৱাটো বিচাৰে।’’ শ্বাহে প্ৰশ্ন কৰে, "যিসকলে নিজৰ পৰিয়ালৰ বাবে ক্ষমতা দখল কৰিব বিচাৰে, তেওঁলোকে কেতিয়াবা দৰিদ্ৰ লোকৰ কল্যাণৰ কথা ভাবিব পাৰিবনে?"
Continue Reading
