কলকাতাত নৌ সেনাৰ তিনিখনকৈ জাহাজ মুকলি

ডিজিটেল ডেস্ক: প্রধানমন্ত্রী নৰেন্দ্ৰ মোদীয়ে দেওবাৰে তিনিখনকৈ নৌ জাহাজ মুকলি কৰে। কলকাতাত দেওবাৰে অনুষ্ঠিত ভাৰতীয় নৌ সেনাৰ এটা অনুষ্ঠানত নৌ সেনাৰ বাবে থলুৱাভাৱে নির্মিত তিনিখন জাহাজ ক্রমে আই এন এছ ডুনাগিৰি, আই এন এছ সংশোধক আৰু আই এন এছ আগ্রে প্রধানমন্ত্রী মোদীয়ে মুকলি কৰে। 

অনুষ্ঠানত ভাষণত মোদীয়ে কয় যে জাহাজ নিৰ্মাণৰ দৰে এটা নতুন লক্ষ্যত ভাৰত এখোজ আগুৱালে। ভাৰতীয় নৌ সেনাৰ ৱাৰশ্বিপ ডিজাইন ব্যুৰ'ৱে নক্সা অংকন কৰা আৰু গার্ডেন ৰিচ্ছ শ্বিপবিল্ডাৰ্ছ এণ্ড ইঞ্জিনীয়াছে নিৰ্মাণ কৰা এই নৌ জাহাজকেইখনে ভাৰতৰ যুদ্ধ অভিযানসমূহক অধিক শক্তিশালী কৰিব বুলিও প্রধানমন্ত্রীয়ে আশা প্রকাশ কৰে। 

কেন্দ্ৰীয় চৰকাৰে দেশৰ প্রতিৰক্ষা বাহিনীৰ সামগ্রীসমূহ থলুৱাভাৱে নিৰ্মাণত বিশেষ গুৰুত্ব দিয়া বুলিও তেওঁ প্রকাশ কৰে। জাহাজ নির্মাণ, মেৰামতি, জাহাজ ব্যৱস্থাপনা আদি বিষয়বোৰ গুৰুত্বপূৰ্ণ ৰাষ্ট্ৰীয় অভিযানৰ অংশ বুলিও মোদীয়ে কয়। উৎস: দৈনিক জনমভূমি