ডিজিটেল ডেস্কঃ টি-২০ বিশ্বকাপত এতিয়াও এমাহতকৈও অধিক সময় বাকী আছে। ক্ৰিকেট প্ৰেমীসকলে এতিয়া উপভোগ কৰিছে আই পি এল। প্ৰতিযোগী ৰাষ্ট্ৰসমূহে মাত্ৰ ঘোষণা কৰিছে বিশ্বকাপৰ বাবে নিজৰ দল। ইংলেণ্ডৰ প্ৰাক্তন অধিনায়ক মাইকেল ভ’গানে ঘোষণা কৰিলে চাৰিজন সম্ভাৱ্য ছেমি ফাইনেলিষ্টৰ নাম। তেওঁ বাছি লোৱা চাৰিটা দলত স্থান লাভ কৰিব নোৱাৰিলে ভাৰত।
ছ’চিয়েল মিডিয়া পোষ্টত টি-২০ বিশ্বকাপৰ চাৰিখন ছেমি ফাইনেলিষ্ট হিচাপে ইংলেণ্ড, অষ্ট্ৰেলিয়া, দক্ষিণ আফ্ৰিকা আৰু ৱেষ্ট ইণ্ডিজৰ নাম লিখা হৈছে। ভ’গানে ভাৰতকে ধৰি এছিয়াৰ কোনো এখন দেশক সম্ভাৱ্য ছেমি ফাইনেলিষ্ট হিচাপে এককভাৱে উল্লেখ কৰা নাই।
ইংলেণ্ডৰ প্ৰাক্তন অধিনায়কগৰাকীয়ে ইংলেণ্ড, অষ্ট্ৰেলিয়া, দক্ষিণ আফ্ৰিকা আৰু ৱেষ্ট ইণ্ডিজক কিয় বাছি লৈছিল তাৰ কোনো ব্যাখ্যা ছ’চিয়েল মিডিয়াত দিয়া নাছিল। আকৌ ভাৰত, পাকিস্তান, নিউজিলেণ্ডৰ দৰে দেশ নথকাৰ কাৰণ দিয়া নহ’ল।
Continue Reading
