ডিজিটেল ডেস্কঃ অহা ৯ জুনত নিউয়ৰ্কত অনুষ্ঠিত হ’বলগীয়া টি-২০ বিশ্বকাপত ভাৰতৰ বিৰুদ্ধে খেলিব পাকিস্তানে। আৰু এতিয়াৰ পৰা পাকিস্তানৰ অধিনায়ক বাবৰ আজমে বিৰাট কোহলীৰ কথা ভাবিবলৈ ধৰিছে৷
আয়াৰলেণ্ড আৰু ইংলেণ্ডৰ বিৰুদ্ধে টি-২০ শৃংখলা খেলিবলৈ যোৱাৰ পূৰ্বে বাবৰে সাংবাদিকৰ আগত কয় যে তেওঁলোকে বিৰাটক ৰখাবলৈ প্ৰয়োজনীয় কৌশল প্ৰস্তুত কৰিব। বাবৰে সাংবাদিকৰ আগত কয় - ‘‘আমি সকলো পক্ষৰ বিৰুদ্ধে কৌশল প্ৰস্তুত কৰি আছো। বিশ্বৰ অন্যতম শ্ৰেষ্ঠ ক্ৰিকেটাৰ বিৰাট কোহলী। আমি তেওঁৰ বিৰুদ্ধেও পৰিকল্পনা কৰিম।''
২০২২ চনৰ টি-২০ বিশ্বকাপত কোহলীয়ে ৫৩টা বলত ৮২ ৰান সংগ্ৰহ কৰি প্ৰায় এককভাৱে পাকিস্তানক পৰাস্ত কৰিছিল। যিটো বাবৰে এতিয়াও পাহৰিব পৰা নাছিল। আজিৰ দিনটোতে পাকিস্তান ব’ৰ্ডে আন এক ডাঙৰ ঘোষণা কৰে। খবৰ পোৱা গৈছে যে যদি বিশ্বকাপ জয় হয় তেন্তে প্ৰতিজন ক্ৰিকেটাৰক ভাৰতীয় মুদ্ৰাত প্ৰায় ৮৩ লাখ ৫০ হাজাৰ টকা প্ৰদান কৰা হ’ব। ছ’চিয়েল মিডিয়াত এই কথা কয় ব’ৰ্ডে।
Continue Reading
