ডিজিটেল ডেস্কঃ তেওঁ দেশখনৰ প্ৰাক্তন অধিনায়ক। যোৱা বিশ্বকাপতো তেওঁ দলটোক নেতৃত্ব দিছিল। বিশ্বৰ অন্যতম শ্ৰেষ্ঠ অল-ৰাউণ্ডাৰ। বাংলাদেশৰ জনপ্ৰিয় ক্ৰিকেটাৰসকলৰ মাজত তেওঁৰ নাম অতি উচ্চ। এইবাৰ ছাকিব আল হাছানৰ সৈতে ফটো উঠিবলৈ গৈ এজন সমৰ্থকে অদ্ভূত পৰিস্থিতিৰ মুখ

Listen to Article

2 min read

80%

ডিজিটেল ডেস্কঃ তেওঁ দেশখনৰ প্ৰাক্তন অধিনায়ক। যোৱা বিশ্বকাপতো তেওঁ দলটোক নেতৃত্ব দিছিল। বিশ্বৰ অন্যতম শ্ৰেষ্ঠ অল-ৰাউণ্ডাৰ। বাংলাদেশৰ জনপ্ৰিয় ক্ৰিকেটাৰসকলৰ মাজত তেওঁৰ নাম অতি উচ্চ। এইবাৰ ছাকিব আল হাছানৰ সৈতে ফটো উঠিবলৈ গৈ এজন সমৰ্থকে অদ্ভূত পৰিস্থিতিৰ মুখামুখি হয়৷

আগহি আছে টি-২০ বিশ্বকাপ। আন্তঃৰাষ্ট্ৰীয় ক্ৰিকেটলৈ ঘূৰি অহাৰ পূৰ্বে ছাকিবে ঢাকা প্ৰিমিয়াৰ লীগত খেলি আছে। তাত শ্বেখ জামাল ধনমণ্ডি ক্লাবৰ হৈ খেলি আছে। খান চাহেব ওছমান আলী ষ্টেডিয়ামত প্ৰাইম বেংক ক্ৰিকেট ক্লাবৰ খেলখন আছিল ছাকিবৰ ক্লাবৰ বিৰুদ্ধে। সেই মেচখনৰ টছৰ পূৰ্বে ছাকিব আৰু প্ৰশিক্ষক শ্বেখ চালাহুদ্দিনে কথা পাতি আছিল। সেই সময়ত এজন সমৰ্থকে চাকিবৰ সৈতে চেল্ফী ল’ব বিচাৰে৷

বাংলাদেশৰ প্ৰাক্তন অধিনায়কগৰাকীয়ে ক্ষোভিত হৈ পৰে৷ এহাতেৰে সমৰ্থকৰ ডিঙিত ধৰিলে। সি চৰ মাৰিবলৈ আনখন হাত ওপৰলৈ তুলিলে। সেই সমৰ্থকৰ ফোনটোও কাঢ়ি নিবলৈ চাকিবে চেষ্টা কৰিছিল। সমৰ্থকজনে ভবা নাছিল যে ফটো উঠাৰ সময়ত এনে পৰিস্থিতিৰ সন্মুখীন হ’ব। তেওঁক অতি ভয়ংকৰ ৰূপত খেলপথাৰৰ পৰা ওলাই অহা দেখা যায়।

যদিও চাকিবৰ এই আচৰণক সমালোচনা কৰা হয়, তথাপিও বহু লোকে সমৰ্থকক দোষাৰোপ কৰে। খেল আৰম্ভ হোৱাৰ আগতে খেলপথাৰত প্ৰৱেশ কৰি তেওঁ খেলুৱৈগৰাকীৰ সৈতে ব্যক্তিগত হ’বলৈ চেষ্টা কৰিছিল। এই ক্ষেত্ৰত খেলুৱৈৰ অসুবিধা হোৱাটো স্বাভাৱিক। সেইবাবেই ছাকিবৰ ইমান খং উঠিছে বুলি ধাৰণা কৰা হৈছে।