ডিজিটেল ডেস্কঃ দিল্লীৰ তিহাৰ কাৰাগাৰত গেং ৱাৰৰ এক বৃহৎ ঘটনা পোহৰলৈ আহিছে। জানিব পৰা গৈছে যে এই ঘটনাত গেংষ্টাৰ প্ৰিন্স তেৱতিয়াক ছুৰীৰে আঘাত কৰি হত্যা কৰা হৈছে৷ তিহাৰ জেলৰ পি আৰ অ’ অৰবিন্দ কুমাৰে কয় যে ১৪ এপ্ৰিল শুকুৰবাৰে সন্ধিয়া ৫.৩০ বজাত তিহাৰৰ ৩ নং জেলত গেং ৱাৰ সংঘটিত হৈছিল, য’ত ৪ জন কয়দী আহত হৈছিল। আহত আটাইকেইজনকে দীন দয়াল হাস্পতালত ভৰ্তি কৰোৱা হৈছে। য'ত চিকিৎসকে প্ৰিন্স তেৱতিয়াক মৃত ঘোষণা কৰে।
অৰবিন্দ কুমাৰে কয় যে "ইয়াৰ পিছত ৩ নং কাৰাগাৰত কেন্দ্ৰীয় চিকিৎসালয় আছে। তাত তেওঁক প্ৰাথমিক চিকিৎসা প্ৰদান কৰা হয়, তাৰ পিছত তেওঁক দিল্লীৰ দীন দয়াল চিকিৎসালয়লৈ প্ৰেৰণ কৰা হয়। তাত চিকিৎসকে প্ৰিন্স তেৱতিয়াক মৃত ঘোষণা কৰে। অৱশ্যে বাকীকেইজন ক্ৰমে ববি, বিনয় আৰু আটাটুৰ ৰহমানৰ অৱস্থা সুস্থিৰ হৈ আছে।"
উল্লেখযোগ্য যে গেংষ্টাৰ প্ৰিন্স তেৱাটিয়াৰ এজন ভাতৃ আৰু এগৰাকী ভগ্নী আছে। তেওঁৰ পিতৃ ডি ডি এৰ পৰা অৱসৰ গ্ৰহণ কৰিছে। প্ৰিন্সৰ পঢ়া-শুনাৰ প্ৰতি তেওঁৰ আগ্ৰহ নাছিল। দশম মানলৈকে পঢ়াৰ পিছত তেওঁৰ কলনীৰ অসৎ মানুহৰ সংস্পৰ্শলৈ আহিছিল। ২০০৮ চনত প্ৰথমবাৰৰ বাবে প্ৰিন্সৰ বিৰুদ্ধে গোচৰ ৰুজু কৰা হয়।
Continue Reading
