ডিজিটেল ডেস্কঃ দুয়োজন ছাত্ৰই একেগৰাকী সহপাঠীনীৰে প্ৰেমত পৰিছে। সেইবাবেই মধ্যপ্ৰদেশৰ ভূপালৰ মাখনলাল চতুৰ্বেদী ৰাষ্ট্ৰীয় বিশ্ববিদ্যালয়ত ধূন্ধুমাৰ কাণ্ড সংঘটিত হ’ল। সূত্ৰৰ পৰা জানিব পৰা মতে, প্ৰথমে দুয়োগৰাকী ছাত্ৰই মাজত কাজিয়াত লিপ্ত হয়। তাৰ এজনে বিশ্ববিদ্যালয়ৰ বাহিৰৰ পৰা লগৰ কিছুমানক মাতি আনে। সেই দলটোৱে হোষ্টেলত প্ৰৱেশ কৰি হাংগামা চলায়।
জানিব পৰা মতে, সহপাঠীনীৰ লগত কাৰ সম্পৰ্ক হ’ব সেই লৈ ছাত্ৰ দুজনৰ মাজত কাজিয়া হৈছিল। তাৰপাছতে এদল ল’ৰাই বিশ্ববিদ্যালয়ত প্ৰৱেশ কৰি হাংগামা চলালে। হোষ্টেল আৰু বিশ্ববিদ্যালয়ৰ বিভিন্ন চুকত স্থাপন কৰা চিচিটিভিত বন্দী হ’ল ইয়াৰ দৃশ্যসমূহ।
তাত দেখা গৈছে বাহিৰৰ ল’ৰাই ছাত্ৰাবাসৰ কোঠাবোৰ ভাঙি সোমাইছে। মাৰপিট কৰা হৈছে। কিছুসময় এনেধৰণৰ কাণ্ড কৰি দলটো হোষ্টেলৰ পৰা উলাই যায়।
এই ঘটনাৰ তদন্তৰ বাবে ভোপাল বিশ্ববিদ্যালয়ে গঠন কৰিছে এখন কমিটী। কমিটীয়ে ছাত্ৰ দুজনক জেৰা কৰিব। আৰক্ষীয়েও নিজাববীয়াকৈ তদন্ত আৰম্ভ কৰিছে। বিশ্ববিদ্যালয়ত প্ৰৱেশ কৰি যি ধৰণে হিংসাত্মক কার্য সংঘটিত কৰা হৈছে, তাক লৈ ছাত্ৰ-ছাত্ৰী আৰু অভিভাৱকসকল আতংকিত হৈ পৰিছিল।
Continue Reading
