ডিজিটেল ডেস্কঃ এটাৰ পাছত আন এটা বিতৰ্কত সাঙোৰ খাই পৰিছে কাটাৰ বিশ্বকাপ৷ এইবাৰ বিশ্বকাপৰ মেচসমূহৰ টিকটৰ দামক লৈ তীব্ৰ চৰ্চা চলিছে৷
বিশ্বকাপৰ মেচসমূহৰ টিকটৰ মূল্য আকাশংঘী হৈছে৷ ফাইনেলৰ টিকটৰ দাম গড়ে ৬৮৪ পাউণ্ড তথা ৬৬ হাজাৰ টকা ধাৰ্য কৰা হৈছে৷ এই মূল্য ২০১৮ চনৰ ৰাছিয়া বিশ্বকাপৰ ফাইনেলতকৈ ৫৯ শতাংশ বেছি৷
ৰাছিয়া বিশ্বকাপত মেচসমূহৰ টিকটৰ মূল্য আছিল ২১৪ পাউণ্ড বা প্ৰায় ২১ হাজাৰ টকা৷ কিন্তু এইবাৰ বিশ্বকাপৰ মেচসমূহৰ টিকটৰ মূল্য ২৮৬ পাউণ্ড, ভাৰতীয় মূল্যত ২৮ হাজাৰ টকা৷ যোৱা ২০ বছৰত এইদৰে কোনো এখন বিশ্বকাপতে টিকটৰ মূল্য বৃদ্ধি পোৱা নাছিল৷
আনহাতে, ফিফাই জনোৱামতে, বিশ্বকাপৰ ৩০ লাখ টিকট ইতিমধ্যে বিক্ৰী হৈ গৈছে৷ বিশ্বকাপৰ আয়োজক কমিটিৰ এগৰাকী বিষয়াই কৈছে যে কাটাৰ বিশ্বকাপেই হৈছে ইতিহাসৰ আটাইতকৈ ব্যয়বহুল বিশ্বকাপ৷
উল্লেখ্য যে বিশ্বকাপৰ বাবে ৬খনকৈ নতুন ষ্টেডিয়াম নিৰ্মাণ কৰা হৈছে৷ নতুনকৈ নিৰ্মাণ কৰা হৈছে দুটা পুৰণি ষ্টেডিয়াম৷ আঠোটা ষ্টেডিয়ামৰ বাবে মুঠ ৩ বিলিয়ন ডলাৰ (ভাৰতীয় মূল্যত চাৰে ২৪ হাজাৰ কোটি টকা) খৰচ কৰা হৈছে৷
Continue Reading
