দলে-বলে আহিল ওলাই; টিংখঙত বিমল বৰালৈ মুকলি সমৰ্থন গোৰ্খা সমাজৰ

ডিজিটেল ডেস্ক: টিংখঙত বিমল বৰাৰ প্ৰতি মুকলি সমৰ্থন গোৰ্খা সমাজৰ। নিৰ্বাচনী প্ৰচাৰৰ অন্তিম দিনটোত বিমল বৰাক ভোট প্ৰদানৰ মুকলি অংগীকাৰ গোৰ্খা সমাজৰ। বিমল বৰাক লৈ ৰোদ শ্ব' গোৰ্খা সমাজৰ।

বিমল বৰাৰ প্ৰতি গোৰ্খা সমাজৰ মৰম, আদৰ, সন্মান পাই অভিভূত হৈ পৰে বিমল বৰা। আঠু কাঢ়ি সেৱা লৈ বিমল বৰাই কৃতজ্ঞতা জনায় গোৰ্খা সমাজক।

গোৰ্খা উন্নয়ন পৰিষদৰ অধ্যক্ষ প্ৰেম তামাঙৰ উপস্থিতিত ৰাজগড় কৰমা ভৱনত অনুষ্ঠিত হোৱা এক সভাত টিংখং সমষ্টিৰ সমূহ গোৰ্খা সমাজে আগন্তুক বিধানসভা নিৰ্বাচনত বিজেপি প্ৰাৰ্থী বিমল বৰাক সমৰ্থন কৰাৰ ক্ষেত্ৰত অংগীকাৰবদ্ধ হয়।

গোৰ্খা সমাজৰ মুকলি সমৰ্থনত স্বাভাৱিকতে অতি উৎসাহিত হৈ পৰা দেখা যায় টিংখং বিধানসভা সমষ্টিৰ বিজেপি প্ৰাৰ্থী বিমল বৰাক।

ইফালে মুখ্যমন্ত্ৰী ড০ হিমন্ত বিশ্ব শৰ্মাৰ নেতৃত্বত বিজেপি চৰকাৰে গোৰ্খা জনগোষ্ঠীক এক উপযুক্ত সন্মান আৰু মৰ্যদা প্ৰদান কৰি অহাৰ লগতে গোৰ্খা সমাজৰ প্ৰতিটো অভাৱ অভিযোগ, সমস্যা আন্তৰিকতাৰে সমাধান কৰা বাবেই বিজেপিৰ প্ৰতি গোৰ্খা সমাজে মুকলি সমৰ্থন কৰা বুলি উল্লেখ কৰে বিমল বৰাই।