তিনি বছৰৰ কাৰাদণ্ডৰ সন্মুখীন হ’ল আজম খান, যোগীৰ বিৰুদ্ধে ঘৃণাত্মক মন্তব্য কৰাৰ অভিযোগ

ডিজিটেল ডেস্কঃ তিনি বছৰৰ কাৰাবাসৰ সন্মুখীন হ’ল সমাজবাদী পাৰ্টিৰ জ্যেষ্ঠ নেতা আজম খান। উত্তৰপ্ৰদেশৰ মুখ্যমন্ত্ৰী যোগী আদিত্যনাথৰ বিৰুদ্ধে ঘৃণাত্মক মন্তব্য কৰাৰ এটা গোচৰ সম্পৰ্কত ৰামপুৰ আদালতে আজি এই ৰায় প্ৰদান কৰে।

২০১৯ চনৰ ৯ এপ্ৰিলত ৰামপুৰৰ মিলক কটৱালীত ৰুজু হোৱা এটা গোচৰৰ ভিত্তিত আদালতে এই ৰায় প্ৰদান কৰিছে। গোচৰটোত আজম খানৰ বিৰুদ্ধে অভিযোগ কৰা হৈছিল যে তেওঁ যোগী আদিত্যনাথ আৰু আইএএছ বিষয়া অঞ্জনেয়া কুমাৰ সিঙৰ বিৰুদ্ধে হিংসাত্মক মন্তব্য কৰিছে। তাৰ ভিত্তিতে ভাৰতীয় দণ্ডবিধি আইনৰ ১৫৩ (এ), ৫০১-১ৰ অধীনত গোচৰটো ৰুজু হৈছিল।

উল্লেখ্য যে সমাজবাদী পাৰ্টিৰ অন্যতম সংখ্যালঘু নেতা আজম খানৰ বিৰুদ্ধে বৰ্তমানলৈকে ৯০ টাকৈ গোচৰ ৰুজু হৈ আছে। ৰামপুৰ সমষ্টিৰ বিধায়কগৰাকীক ইয়াৰ পূৰ্বে ২০২০ চনতো গ্ৰেপ্তাৰ কৰা হৈছিল।