ডিজিটেল ডেস্কঃ উত্তৰ প্ৰদেশৰ ফাৰুখাবাদ জিলাৰ পৰা পোহৰলৈ আহিছে এক অতি চাঞ্চল্যকৰ ঘটনা। তিনি বছৰীয়া এটি কনমানি শিশুৱে কৰিলে এক আচৰিত কাণ্ড। খেলি থাকোতে এটা সাপক কামুৰি মাৰি পেলালে শিশুটোৱে।
ফাৰুখাবাদ জিলাৰ মহম্মদাবাদ থানা এলেকাৰ অন্তৰ্গত মদনাপুৰ গাঁৱৰ নিবাসী দীনেশ কুমাৰৰ তিনি বছৰীয়া পুত্ৰ অক্ষয় কুমাৰে দিনত ঘৰৰ বাহিৰত খেলি আছিল। সেই সময়তে ঘৰৰ ওচৰৰ জোপোহাৰ পৰা এটা সৰু সাপ ওলাই আহিছিল শিশুটিৰ সন্মুখত। এই সাপটোৰ ওপৰত চকু পৰে কণমানি অক্ষয় কুমাৰৰ। অজ্ঞানতাৰ বাবে শিশুটিয়ে খেলি থকা অৱস্থাত সাপটো মুখত ৰাখি চোবাই খাইছিল। ইফালে আইতাকৰ চকু যেতিয়া শিশুটিৰ ওপৰত পৰিল, তেতিয়া আইতাক বেঁহুচ হোৱাৰ উপক্ৰম হ’ল। নাতিয়ে সাপ কামুৰি খোৱা দেখি আইতাকে চিঞৰি উঠিল।
আইতাকে শিশুটিৰ হাতৰ পৰা সাপটো পেলাই দিয়ে। সাপটোৰ মৃত্যু ঘটিছিল। খৰখেদাকৈ পৰিয়ালৰ লোকে শিশুটিক লৈ স্বাস্থ্যকেন্দ্ৰত উপস্থিত হয়। চিকিৎসকে শিশুটিক ৰাম মনোহৰ লোহিয়া চিকিৎসালয়লৈ প্ৰেৰণ কৰে। চিকিৎসকে শিশুটিক পৰীক্ষা কৰি একেবাৰে সুৰক্ষিত অৱস্থাত থকা বুলি জনায়। চিকিৎসকে শিশুটিক প্ৰাথমিক চিকিৎসা প্ৰদান কৰি ঘৰলৈ প্ৰেৰণ কৰিছে। এই ঘটনাই অঞ্চলজুৰি চৰ্চা লাভ কৰিছে।
Continue Reading
