ডিজিটেল ডেস্কঃ হাৰিয়ানাৰ গুৰুগ্ৰামত এগৰাকী বৃদ্ধাৰ বিৰুদ্ধে তিনি মহীয়া কুকুৰ পোৱালি এটাৰ ওপৰত এচিড নিক্ষেপ কৰি গুৰুতৰভাৱে আঘাতপ্ৰাপ্ত কৰাৰ অভিযোগত পশু নিষ্ঠুৰতাৰ গোচৰ ৰুজু কৰা হৈছে।
ভাইৰেল হোৱা ঘটনাৰ চিচিটিভি ফুটেজত দেখা গৈছে যে অনিছা নামৰ মহিলাগৰাকীয়ে কুকুৰ পোৱালিটোৰ ওপৰত এচিড নিক্ষেপ কৰিবলৈ সাজু হৈছে। স্থানীয় সূত্ৰৰ মতে, কোনো প্ৰৰোচনা নকৰাকৈয়ে কুকুৰ পোৱালিটোক আক্ৰমণ কৰে ছানীয়ে।
চুবুৰীয়াই এচিড আক্ৰমণৰ বিষয়ে সতৰ্ক কৰি দিয়াৰ লগে লগে পশু অধিকাৰ কৰ্মী সুমন মিশ্ৰই সেই স্থানত উপস্থিত হৈ কুকুৰ পোৱালিটোক পশু চিকিৎসালয়লৈ লৈ যায়। লগতে মহিলাগৰাকীৰ বিৰুদ্ধে পশু নিষ্ঠুৰতাৰ অভিযোগত গোচৰ ৰুজু কৰে মিশ্ৰই।
এই অভিযোগৰ পিছতে অনিছাৰ বিৰুদ্ধে মঙলবাৰে ভাৰতীয় দণ্ডবিধিৰ ৪২৮ (প্ৰাণীক হত্যা বা অক্ষম কৰা) আৰু পশু নিষ্ঠুৰতা আইনৰ ১১ নং ধাৰাত এফআইআৰ ৰুজু কৰা হয়। আৰক্ষী বিষয়াসকলে তদন্ত চলি থকা বুলি উল্লেখ কৰি অভিযুক্তৰ বিৰুদ্ধে বিহিত ব্যৱস্থা গ্ৰহণ কৰাৰ আশ্বাস দিয়ে।
Continue Reading
