ডিজিটেল ডেস্ক: তিপ্ৰামোথাৰ সমৰ্থনত ত্ৰিপুৰাত চৰকাৰ গঠনৰ দিশে আগবাঢ়িছে বিজেপি৷ মুখ্যমন্ত্ৰী মাণিক সাহাই কংগ্ৰেছৰ আশিস কুমাৰ সাহাক পৰাস্ত কৰি বৰদোৱালী সমষ্টিৰ পৰা জয়লাভ কৰিছে।
৮০০তকৈও অধিক ভোটৰ ব্যৱধানত জয়ী হৈছে মাণিক সাহা৷ বিধানসভা নিৰ্বাচনৰ পৰিপ্ৰেক্ষিততে মাণিক সাহাক বিগত বৰ্ষত বছৰ মুখ্যমন্ত্ৰী হিচাপে নিযুক্ত কৰিছিল বিজেপিয়ে৷ ত্ৰিপুৰা বিধানসভাৰ ভোট গণনাৰ মাজতে আজি মাণিক সাহাই ত্ৰিপুৰা সুন্দৰী মা মন্দিৰ দৰ্শন কৰে৷ তেওঁৰ লগত বিজেপিৰ ৰাষ্ট্ৰীয় মুখপাত্ৰ সম্বিত পাত্ৰও উপস্থিত আছিল। ত্ৰিপুৰা বিধানসভা নিৰ্বাচন ১৬ ফেব্ৰুৱাৰীত অনুষ্ঠিত হৈছিল।
বিপ্লব কুমাৰ দেবে বিধানসভা নিৰ্বাচনলৈ এবছৰতকৈও কম সময় বাকী থকা অৱস্থাত পদত্যাগ কৰিছিল। মুখ্যমন্ত্ৰী হোৱাৰ পূৰ্বে সাহাই ত্ৰিপুৰাৰ একমাত্ৰ ৰাজ্যসভা আসনখন দখল কৰিছিল। তেওঁ টাউন বৰদোৱালী সমষ্টিৰ পৰা বিধানসভাৰ উপ-নিৰ্বাচনত যুঁজ দিছিল আৰু জয়লাভ কৰিছিল।
Continue Reading
