তৃণমূলৰ লোকসভা নিৰ্বাচনৰ প্ৰাৰ্থী মহুৱা মৈত্ৰৰ ঘৰত চিবিআইৰ তালাচী!

 নিৰাপত্তাৰক্ষীসকলে দাবী কৰিছে যে ফ্লেটটো ডি এল মৈত্ৰাৰ মালিকানাধীন । তেওঁ পেছাত এজন ব্যৱসায়ী। তেওঁ বহিষ্কৃত কৃষ্ণনগৰৰ সাংসদ আৰু টিএমচি লোকসভাৰ প্ৰাৰ্থী মহুয়া মৈত্ৰৰ পিতৃ। চিবিআইৰ তালাচী শনিবাৰে পুৱা ৭ বজাত আৰম্ভ হৈছিল।  সংসদত ধনৰ বিনিময়ত প্ৰশ্ন কৰাৰ অভিযোগৰ ভিত্তিতে মহুৱাৰ পিতৃৰ ঘৰত চিবিআইয়ে তালাচী চলোৱা বুলি ধাৰণা  কৰা  হৈছে। 

শনিবাৰে চিবিআইয়ে আলিপুৰৰ 'ৰত্নৱলী' নামৰ এটা বাসগৃহত চিবিআইয়ে তালাচী চলায়।  কেন্দ্ৰীয় বাহিনীয়ে সংস্থাটোৰ এটা দলে  ভৱনটো ঘেৰি ধৰে। মহুয়া মৈত্ৰৰ পিতৃ সেই  একেটা ফ্লেটতে থাকে। শেহতীয়া প্ৰতিবেদন অনুসৰি তালাচী অভিযান  প্ৰায় চাৰি ঘণ্টা ধৰি চলে। তালাচীৰ  কাৰণ এতিয়াও স্পষ্ট হোৱা নাই। অৱশ্যে, এয়া ধাৰণা কৰা হৈছে  যে চিবিআইয়ে মহুৱা মৈত্ৰই সংসদত ধনৰ বিনিময়ত প্ৰশ্ন সোধা গোচৰৰ তদন্তৰ দায়িত্ব লোৱাৰ পিছতে এনেদৰে তালাচী চলাই তদন্ত আৰম্ভ কৰিছে।লোকপালে মহুৱাৰ বিৰুদ্ধে চিবিআই তদন্তৰ নিৰ্দেশ দিয়া হৈছিল। মহুৱা মৈত্ৰৰ বিৰুদ্ধে মুখ্য অভিযোগকাৰী বিজেপি সাংসদ নিশিকান্ত দুবেয়ো এই দাবী কৰিছিল। 

বুধবাৰে ছ'চিয়েল মিডিয়া প্লেটফৰ্ম এক্সত নিশিকান্ত দুবেই দাবী কৰিছিল যে লোকপালে মহুৱা মৈত্ৰৰ বিৰুদ্ধে তেওঁৰ অভিযোগৰ ভিত্তিত ৰাষ্ট্ৰীয় নিৰাপত্তাৰ প্ৰতি ভাবুকিৰ  সৃষ্টি কৰাৰ অভিযোগত চিবিআই তদন্তৰ নিৰ্দেশ দিছে। ধনৰ বিনিময়ত সংসদত প্ৰশ্ন উত্থাপন কৰাৰ অভিযোগত  মহুৱাৰ ওপৰত অধিক  চাপ বৃদ্ধি পাব। সংসদৰ এথিকছ সমিতিয়ে ইতিমধ্যে টিএমচি সাংসদগৰাকীৰ বিৰুদ্ধে উত্থাপিত অভিযোগৰ তদন্ত কৰিছিল। ইয়াৰ পিছতে মহুৱাৰ সাংসদ পদ কৰ্তন হৈছিল।   টিএমচিৰ সাংসদ মহুৱা মৈত্ৰই সংসদত আদানীৰ বিৰুদ্ধে প্ৰশ্ন কৰিবলৈ টকাকে ধৰি আন বহু সুবিধা গ্ৰহণ কৰিছিল বুলি মহুৱাৰ বিৰুদ্ধে অভিযোগ আনিছিল উদ্যোগপতি দৰ্শন হিৰানন্দনীয়ে ।  মহুয়াই ব্যৱসায়িক লাভালাভ প্ৰদানৰ নামত তেওঁৰ পৰা বহু  সুবিধা লৈছিল বুলি অভিযোগ উঠিছিল।