টুইটাৰৰ কৰ্মচাৰীয়ে অফিচত বিনামূলীয়া খাদ্য খাবলৈ নাপাব! স্পষ্টকৈ ক’লে এলন মাস্কে

ডিজিটেল ডেস্কঃ সপ্তাহত ৮০ ঘণ্টা কাম কৰিব লাগিব টুইটাৰৰ কৰ্মীসকলে। স্পষ্টভাৱে এইদৰে জনালে সামাজিক মাধ্যমটোৰ নতুন স্বত্বাধিকাৰ এলন মাস্কে।

দুসপ্তাহপূৰ্বে টুইটাৰ ক্ৰয় কৰাৰ পাছতে তেওঁ আধাখিনি কৰ্মীক বৰ্খাস্ত কৰিছে। তাৰপাছতে শেহতীয়াকৈ কৰ্মচাৰীসকলৰ স’তে মুখামুখি অনুষ্ঠানত মাস্কে টুইটাৰৰ ভৱিষ্যতক লৈ উদ্বেগ প্ৰকাশ কৰি এইদৰে কয়।

মাস্কে কয় যে কোনো দিন টুইটাৰ দেউলিয়া হৈ যাব পাৰে। সেয়া ৰোধ কৰিবলৈ কি কৰি কৰণীয়- সেই বিষয়ে কৰ্মীসকলক জনাই দিলে তেওঁ।

মাস্কৰ স্পষ্ট কথা যে সপ্তাহত ৮০ ঘণ্টা অফিচলৈ আহি কঠোৰ পৰিশ্ৰম কৰিব লাগিব টুইটাৰৰ কৰ্মীসকলে।

অফিচত বিনামূলীয়া খাদ্যও নাপাব কৰ্মীসকলে। তাৰ পৰিৱৰ্তে নিজৰ খোৱা খাদ্যৰ খৰচ নিজেই ভৰিব লাগিব। তদুপৰি, ৱৰ্ক ফৰ্ম হমৰ ব্যৱস্থাও বন্ধ কৰা হ’ব।  মাস্কৰ এইসমূহ কঠোৰ সিদ্ধান্তত চিন্তিত হৈ পৰিছে টুইটাৰৰ কৰ্মীসকল।

মাস্কে কয় যে সংস্থাটোৰ বৰ্তমান আৰ্থিক অৱস্থা ভাল নহয়। ইতিমধ্যে কেইবা কোটি ডলাৰৰ ঋণৰ বোজাত পোত খাইছে টুইটাৰ। এই পৰিস্থিতিত অধিক উপাৰ্জন কৰাটো প্ৰয়োজন বুলি অনুভৱ কৰিছে মাস্কে।

উপযুক্ত পদক্ষেপ নল’লে টুইটাৰ দেউলীয়া হ’বলৈ বেছি সময় নালাগিব বুলিও আশংকা প্ৰকাশ কৰিছে তেওঁ। যিসকল কৰ্মীয়ে দৈনিক ১৬ ঘণ্টা কঠোৰ পৰিশ্ৰম কৰিব নোৱাৰে, তেওঁলোকক পদত্যাগ কৰিবলৈও মাস্কে অনুৰোধ কৰিছে।