ডিজিটেল ডেস্কঃ বুধবাৰে টুইটাৰৰ চিইঅ’ ইলন মাস্কে বিবিচিক কয় যে টুইটাৰ চলোৱাটো তেওঁৰ বাবে “যথেষ্ট বেদনাদায়ক” আৰু “ৰোলাৰকোষ্টাৰ” হৈ পৰিছে। বিবিচিৰ সৈতে হোৱা এক টুইটাৰ স্পেচেছৰ সাক্ষাৎকাৰত টেক বিলিয়নাৰগৰাকীয়ে উল্লেখ কৰে যে উপযুক্ত ব্যক্তি আহিলে তেওঁ কোম্পানীটো বিক্ৰী কৰিব।
টুইটাৰ কিনাৰ বাবে তেওঁৰ কোনো আক্ষেপ আছে নেকি বুলি সোধাত মাস্কে উত্তৰ দিয়ে যে “বিষৰ মাত্ৰা অত্যন্ত বেছি হৈছে, এইটো কোনো ধৰণৰ পাৰ্টি হোৱা নাই”।
যোৱা কেইবামাহো ধৰি সঁচাকৈয়ে যথেষ্ট মানসিক চাপৰ পৰিস্থিতিৰ সৃষ্টি হৈছে বুলিও তেওঁ লগতে কয়, কিন্তু উল্লেখ কৰে যে তেওঁ এতিয়াও কোম্পানীটো কিনাটোৱেই সঠিক কাম বুলি অনুভৱ কৰে। তেওঁ আৰু কয় যে কামবোৰ "যথাযথভাৱে ভাল" চলি আছে, লগতে কয় যে চাইটৰ ব্যৱহাৰ বৃদ্ধি পাইছে৷
কামৰ বোজাৰ বাবে "মই কেতিয়াবা অফিচত শুই থাকোঁ" বুলি তেওঁ স্বীকাৰ কৰে আৰু লগতে কয় যে তেওঁৰ লাইব্ৰেৰীৰ চোফা এখনত এটা ঠাই আছে "যিটোলৈ কোনেও নাযায়"। ইয়াৰ উপৰিও কোটিপতিগৰাকীয়ে মাজে মাজে বিতৰ্কিত টুইটবোৰক সম্বোধন কৰি কয় যে, “মই একাধিকবাৰ টুইটেৰে নিজৰ ভৰিত গুলী মাৰিছোনে?” হয়". "মই বিশ্বাস কৰোঁ যে মই ৩ বজাৰ পিছত টুইট কৰাৰ পৰা বিৰত থকা উচিত,"৷
Continue Reading
