ডিজিটেল ডেস্কঃ তুনিশা শৰ্মাৰ মৃত্যুৰ পাছত টিভি ধাৰাবাহিক ‘আলি বাবা: দস্তান-ই-কাবুল’ পৰিছে বিপদত। ধাৰাবাহিকখনৰ মুখ্য অভিনেত্ৰীগৰাকীৰ আত্মহত্যা আৰু অভিনেতা শ্বীজান খানক গ্ৰেপ্তাৰ কৰাৰ পাছতে শ্বুটিং বন্ধ কৰি দিয়া হয়। কিন্তু এতিয়া নতুন আগশাৰীৰ অভিনেতাৰ সৈতে পুনৰ আৰম্ভ কৰা হ’ব শ্বুটিং।
শ্বীজান খানৰ চৰিত্ৰত অভিনয় কৰিবলৈ অভিষেক নিগমৰ নাম চৰ্চালৈ আহিছে। আনহাতে, শেহতীয়া খবৰ অনুসৰি তুনিশাৰ ঠাইত ৰাজকুমাৰী মৰিয়মৰ চৰিত্ৰত অভিনয় কৰিবলৈ অৱনীত কৌৰৰ নাম চৰ্চালৈ আহিছে।
অৱনীত কৌৰ
অৱনীত কৌৰে ৰাজকুমাৰী মৰিয়মৰ চৰিত্ৰত অভিনয় কৰাৰ কথা চৰ্চা চলিছে যদিও এই সন্দৰ্ভত কোনো আনুষ্ঠানিক বিবৃতি প্ৰকাশ কৰা হোৱা নাই। উল্লেখ্য যে, প্ৰয়াত অভিনেত্ৰী তুনিশা শৰ্মাৰ বেষ্ট ফ্ৰেণ্ড হয় অৱনীত কৌৰ। তুনিশাৰ মৃত্যুত অৱনীত শোকত ভাগি পৰিছিল।
অভিষেক নিগম
দীৰ্ঘদিন ধৰি টিভি উদ্যোগৰ গছিপ কৰিডৰত চৰ্চা চলি আহিছে যে এই বিপদৰ পাছত ‘আলী বাবা’ৰ ধাৰাবাহিকখনত নতুন মুখ্য অভিনেতা-অভিনেত্ৰী হিচাপে কাক দেখা যাব। বৰ্তমান ‘আলি বাবা: দস্তান-ই-কাবুল’ৰ চেটটোও সলনি কৰা হৈছে। জানিব পৰা মতে প্ৰথমে পুলিচে পুৰণি চেটটোৰ ওপৰত ব্যৱস্থা গ্ৰহণ কৰিব। তাৰপাছত পূজা-পাতল কৰাৰ পাছতহে সেই ঠাইত পুনৰ শ্বুটিং আৰম্ভ হ’ব।
Continue Reading
