ডিজিটেল ডেস্কঃতুৰস্ক-ছিৰিয়াৰ পিছত এইবাৰ নিউজিলেণ্ডক জোকাৰি গ’ল শক্তিশালী ভূমিকম্পই৷ বাতৰি যুগুত কৰা পৰলৈকে ভূমিকম্পৰ ফলত হোৱা ক্ষয়-ক্ষতিৰ সঠিক তথ্য পোৱা হোৱা নাই৷ কিন্তু প্ৰাম্ভিক খবৰ অনুসৰি ভূমিকম্পৰ ফলত বিস্তৰ ক্ষতিসাধন হৈছে৷
শেহতীয়াকৈ পোৱা খবৰ অনুসৰি আজি দুপৰীয়া ভূমিকম্পত কঁপি উঠে নিউজিলেণ্ড৷ ভূমিকম্পটোৰ প্ৰবল্য আছিল ৰিখটাৰ স্কেলত ৬.১ ৷
নিউজিলেণ্ডৰ ল’ৱাৰ হাটৰ পৰা ৭৮ কিলোমিটাৰ উত্তৰ-পশ্চিমে ভূমিকম্পৰ কম্পন অনুভত হোৱাৰ খবৰ আহিছে৷
উল্লেখ্য নিউজিলেণ্ডত শেহতীয়াকৈ ঘূৰ্ণীবতাহ “গেব্ৰিয়েল”য়ে সংহাৰৰ সৃষ্টি কৰিছে৷ ধুমুহাৰ লগতে হোৱা ধাৰাসাৰ বৰষুণৰ ফলত দেশ খনৰ বহু ঠাই প্লাৱিত হৈছে৷ এনে সময়তে ভূতৰ ওপৰত দানহ পৰাদি আজি সৃষ্টি হোৱা ভূমিকম্পটোৱে মানুহক আতংকিত কৰি তুলিছে৷ ।
ধুমুহাৰ পিছতে নিউজিলেণ্ডৰ চৰকাৰে দেশ খনত ৰাষ্ট্ৰীয় জৰুৰীকালীন অৱস্থা ঘোষণা কৰিছে৷ ভূমিকম্পৰ ক্ষয়-ক্ষতিৰ বাতৰিৰ বাবে অপেক্ষা কৰা হৈছে৷
Continue Reading
