ডিজিটেল ডেস্ক: তুৰস্ক আৰু ছিৰিয়াৰ বৰভূইকঁপৰ ভয়াৱতাত নিবদ্ধে হৈছে বিশ্বৰ দৃষ্টি৷ এই বৰভূইকঁপত ভূমিকম্পত নিহতৰ সংখ্যা ৬৪১জনলৈ বৃদ্ধি পাইছে৷ আহত হৈছে ৬১৬তকৈও অধিক৷ নিহতৰ সংখ্যা আৰু বৃদ্ধি হোৱাৰ যথেষ্ট সম্ভাৱনা আছে৷
ভূইকঁপৰ ধ্বংসস্তূপৰ তলত বহু লোক আবদ্ধ হৈ থকাৰ সন্দেহ কৰা হৈছে। জৰুৰীকালীন ব্যৱস্থাপনাই আৱদ্ধ লোকসকলৰ বাবে উদ্ধাৰ অভিযান অব্যাহত ৰাখিছে। স্থানীয় সময় অনুসৰি পুৱা ০৪:১৭ বজাত ভূমিকম্পৰ জোকাৰণি অনুভূত হৈছিল।
অৱশ্যে শেহতীয়া খবৰ অনুসৰি, তুৰ্কীৰ তেলৰ পাইপলাইন এই ভূমিকম্পত ক্ষতিগ্ৰস্ত হোৱা নাই৷ ভূমিকম্পৰ পাছত তৈলপ্ৰবাহ অব্যাহত আছে বুলি প্ৰকাশ কৰা হৈছে৷ ইৰাকৰ পৰা তুৰস্কলৈ তেল কঢ়িয়াই অনা কেৰকুক-চিহান পাইপলাইনৰ কোনো ক্ষতি হোৱা নাই৷ বাকু-টিবিলিচি-চিহান পাইপলাইনলৈও কোনো ক্ষতি হোৱা নাই আৰু তুৰ্কীত এই বৃহৎ ভূমিকম্প হোৱাৰ পাছত দুয়োটাতে তেলৰ প্ৰবাহ অব্যাহত আছে বুলি তুৰ্কীৰ এগৰাকী শক্তি বিষয়াই সদৰী কৰিছে৷
৭.৮ প্ৰাবল্যৰ ভূমিকম্পটোৱে সোমবাৰে পুৱতি নিশা দক্ষিণ তুৰস্ক আৰু উত্তৰ-পশ্চিম চিৰিয়াত ধ্বংসলীলা চলায়, যাৰ ফলত সমগ্ৰ অঞ্চলটোত অট্টালিকাসমূহ খহি পৰাৰ ফলত ৫০০ৰো অধিক লোক নিহত হয় আৰু শ শ লোক আহত হয়, যাৰ ফলত ধ্বংসস্তূপত উদ্ধাৰ হোৱা লোকসকলৰ সন্ধান আৰম্ভ হৈছে৷
Continue Reading
