উচ্চস্বৰৰ সংগীতেই প্ৰাণ কাঢ়ি ল’লে এজন ব্যক্তিৰ৷ ওড়িশাৰ ৰৌৰকেলাৰ এজন ৫০ বছৰীয়া ব্যক্তিৰ সৰস্বতী মূৰ্তি বিসৰ্জনৰ সময়ত উচ্চস্বৰ সংগীতৰ ফলত হোৱা হাৰ্ট এটেকত মৃত্যু হয়।ইতিমধ্যে বিসৰ্জন অনুষ্ঠানৰ সময়ত সংগীত বজোৱা ডিজেক আৰক্ষীয়ে আটক কৰিছে।

Listen to Article

2 min read

80%

ডিজিটেল ডেস্কঃ উচ্চস্বৰৰ সংগীতেই প্ৰাণ কাঢ়ি ল’লে এজন ব্যক্তিৰ৷ ওড়িশাৰ ৰৌৰকেলাৰ এজন ৫০ বছৰীয়া ব্যক্তিৰ সৰস্বতী মূৰ্তি বিসৰ্জনৰ সময়ত উচ্চস্বৰ সংগীতৰ ফলত হোৱা হাৰ্ট এটেকত মৃত্যু হয়।ইতিমধ্যে বিসৰ্জন অনুষ্ঠানৰ সময়ত সংগীত বজোৱা ডিজেক আৰক্ষীয়ে আটক কৰিছে।

প্ৰেমনাথ বৰাভয়া নামৰ নিহত যুৱকজন চাহ ষ্টলৰ মালিক আছিল। মূৰ্তি বিসৰ্জনৰ বাবে শোভাযাত্ৰাৰ সময়ত এজন ডিজে-এ বজাই থকা উচ্চস্বৰৰ সংগীতৰ বাবেই ব্যক্তিজন হাৰ্ট এটেকত আক্ৰান্ত হয় বুলি অভিযোগ উঠিছে।

সূত্ৰৰ পৰা জানিব পৰা মতে, এই উপলক্ষে সংগীত বজাবলৈ ভদ্ৰক জিলাৰ পৰা এটা ব্যক্তিগত দল নিয়োগ কৰা হৈছিল।সংগীতৰ কোলাহলত বাৰাভয়া ঢলি পৰাৰ পাছত তেওঁক ৰৌৰকেলা চৰকাৰী চিকিৎসালয়লৈ লৈ যোৱা হয় আৰু তাত উপস্থিত হোৱাৰ লগে লগে চিকিৎসকে ব্যক্তিজনক মৃত বুলি ঘোষণা কৰে।ব্যক্তিজনৰ মৃত্যুৰ পাছতে স্থানীয় ৰাইজে ৰঘুনাথপালী থানা ঘেৰাও কৰি ব্যৱস্থা গ্ৰহণৰ দাবী জনায়।