ডিজিটেল ডেস্কঃ ভাৰতৰ বিশিষ্ট উদ্যোগপতি ৰতন টাটাক অষ্ট্ৰেলিয়াৰ সৰ্বোচ্চ সন্মানেৰে সন্মানিত কৰা হৈছে। ভাৰতীয় দূতাবাসৰ দায়িত্বত থকা অষ্ট্ৰেলিয়াৰ ৰাষ্ট্ৰদূত বেৰী অ'ফাৰেলে পদকটো ৰতন টাটাক প্ৰদান কৰে৷ জানিব পৰা মতে ভাৰত-অষ্ট্ৰেলিয়া দ্বিপাক্ষিক সম্পৰ্কত ৰতন টাটাৰ অৱদানৰ স্বীকৃতিস্বৰূপে এই সন্মান প্ৰদান কৰা হৈছে।
টাটা গোটৰ প্ৰাক্তন অধ্যক্ষজনে দুয়োখন দেশৰ মাজত ব্যৱসায়িক সম্পৰ্কৰ বিকাশত যথেষ্ট অৰিহণা যোগাইছে। তদুপৰি তেওঁ বিভিন্ন সময়ত কেংগাৰুৰ দেশখনত বিভিন্ন সমাজ সেৱাৰ কাম কৰিছে।ৰাষ্ট্ৰদূত বেৰী অ'ফাৰেলে ৰতন টাটাক অৰ্ডাৰ অফ অষ্ট্ৰেলিয়া (এঅ') পদক প্ৰদান কৰাৰ এখন ফটো শ্বেয়াৰ কৰিছে। তেওঁ কয় যে কেৱল ভাৰততে নহয়, ৰতন টাটাৰ কামে তেওঁক অষ্ট্ৰেলিয়াৰ জনসাধাৰণৰ মাজতো জনপ্ৰিয় কৰিছে৷ ৰতন টাটাক ২০০৮ চনত ভাৰত চৰকাৰে পদ্মভূষণ বঁটা প্ৰদান কৰিছিল।
তেওঁক বাবে ভাৰত ৰত্নৰ দাবীও উঠিছিল৷ অৱশ্যে, প্ৰবীণ উদ্যোগপতিজনে নিজেই ভাৰত ৰত্নৰ দাবীৰ প্ৰতি সঁহাৰি দিয়া নাছিল৷ এই দাবী এইবাৰ পুনৰ উত্থাপন কৰা হৈছিল। ৰাষ্ট্ৰপতি দ্ৰৌপদী মুৰ্মুলৈ লিখা এখন পত্ৰত ৱাইএছআৰ কংগ্ৰেছৰ সাংসদ ৰঘু ৰামকৃষ্ণ ৰাজুৱে ৰতন টাটাৰ বাবে ভাৰত ৰত্ন দাবী কৰিছে৷
Continue Reading
