ডিজিটেল ডেস্কঃ অদ্ভূত সাজপাৰ পৰিধান কৰা বাবে উৰ্ফী জাভেদ সদায় লাইমলাইটত থাকে। অৰ্ধনগ্ন সাজ পিন্ধি বাহিৰত ঘূৰি ফুৰা বাবে তেওঁ প্ৰায়ে ইছলাম সমাজৰ সমালোচনাৰ সন্মুখীন হয়। কিন্তু শেহতীয়াকৈ এটা ভিডিঅ’ ভাইৰেল হৈছে য'ত দেখা গৈছে যে এগৰাকী মৌলানাই উৰ্ফীক দেখি নিজে ছেল্ফী ল'বৰ বাবে আগবাঢ়ি আহে আৰু উৰ্ফীৰ সৈতে ছেল্ফী লোৱাত ব্যস্ত হৈ পৰে।
এই ভিডিঅ'টো এতিয়া ইণ্টাৰনেটত দ্ৰুতগতিত ভাইৰেল হৈ পৰিছে। নেটিজেনসকলে উৰ্ফী আৰু মৌলানাৰ ছেল্ফীৰ ওপৰত তীব্ৰ আলোচনা কৰিছে।
ভিডিঅ’টোত উৰ্ফীয়ে পাপাৰাজীৰ বাবে পোজ দিয়া দেখা গৈছে। কেৱল এয়াই নহয়, বিমানবন্দৰত উপস্থিত থকা লোকসকলেও তেওঁৰ সৈতে ফটো ক্লিক কৰিবলৈ ধৰে। এই তালিকাতে এগৰাকী মৌলানাও অন্তৰ্ভুক্ত হ’ল।
ভাইৰেল ভিডিঅ'টোত দেখা যায় যে যেতিয়া উৰ্ফীয়ে এজন অনুৰাগীৰ সৈতে ফটো ক্লিক কৰি আছিল, তেতিয়া এজন মৌলানা তেওঁৰ ওচৰলৈ আহি ছেল্ফী ল'বলৈ ধৰে। মৌলানাৰ এনে আচৰণত ক্ষোভিত হৈ পৰিছে ইছলাম সমাজ।
উল্লেখ্য যে অস্বাভাৱিক ফেশ্বন চেন্সৰ বাবেই ছ’চিয়েল মিডিয়াত উৰ্ফী জাভেদৰ ফটোৱে যথেষ্ট চৰ্চা লভিবলৈ সক্ষম হৈছে। উৰ্ফী জাভেদৰ ইনষ্টাগ্ৰামৰ অনুৰাগীসকলে আগ্ৰহেৰে অপেক্ষা কৰে তেওঁৰ নিউ লুকৰ প্ৰতিখন ছবি আৰু ভিডিঅ’ৰ বাবে। আনহাতে যথেষ্ট ট্ৰ'লৰো সন্মুখীন হয় উৰ্ফী।
Continue Reading
