ডিজিটেল ডেস্কঃ শীতকালত উফিৰ সমস্যা সাধাৰণতে দেখা যায়। উফিৰ বাবে বহুতেই চুলিৰ ষ্টাইল দিব নোৱাৰে আৰু ভালদৰে চুলি মেলি ৰাখিব নোৱাৰে। শীতৰ শুকান বতৰ আৰু চুলিত জমা হোৱা মলিৰ বাবে উফি হয়। কেতিয়াবা উফিও লাজৰ কাৰণ হৈ পৰে। আহক জানো উফি আঁতৰোৱাৰ কিছুমান ঘৰুৱা উপায়।
১) নিমৰ পেষ্টঃ উফিৰ পৰা পৰিত্ৰাণ পাবলৈ অতীজৰে পৰা মানুহে নিম ব্যৱহাৰ কৰি আহিছে। ইয়াৰ এণ্টিফাংগেল আৰু এণ্টিবেক্টেৰিয়েল গুণ আছে যি উফি আঁতৰোৱাত ফলপ্ৰসূ। উফি আঁতৰাবলৈ নিমৰ পাত পিহি পেষ্ট বনাওক। এই পেষ্টটো চুলিত আধা ঘণ্টামান ৰাখি তাৰ পিছত ধুব।
২) আপেলৰ ভিনেগাৰঃ আপেলৰ ভিনেগাৰ পানীৰ লগত মিহলাই চুলিৰ পৰা উফি আঁতৰাব পাৰি। উফি আঁতৰাবলৈ আপেলৰ ভিনেগাৰ ২ মগ পানীত মিহলাই চুলিত ভালদৰে লগাব লাগে। এই মিশ্ৰণটো চুলিৰ ওপৰত ২-৪ মিনিট ৰাখি তাৰ পিছত চুলি ধুব।
৩) নাৰিকল তেল আৰু নেমুঃ চুলিৰ বাবে নাৰিকল তেল অতি উপকাৰী। উফি আঁতৰাবলৈ নাৰিকল তেলত নেমু মিহলাই চুলিৰ গুৰিত লগাব লাগে। ১০-১৫ মিনিটৰ পিছত চুলি ধুলে উফিৰ সমস্যা নাইকিয়া হৈ যাব।
৪) দৈঃ দৈৰ টেঙাৰ বাবে উফি নোহোৱা হৈ যায়। যদি আপুনি উফিৰ পৰা পৰিত্ৰাণ পাব বিচাৰে তেন্তে চুলি আৰু চুলিৰ গুৰিত ভালদৰে দৈ লগাব। ২০-২৫ মিনিট ৰাখিব, তাৰ পিছত ঠাণ্ডা পানীৰে চুলি ধুব। উফি গুচি যাব, লগতে চুলিত জিলিকনিও আহিব।
৫) এলোভেৰা জেলঃ এলোভেৰাৰ এণ্টিবেক্টেৰিয়েল আৰু এণ্টিফাংগেল গুণ আছে যিয়ে চুলিৰ পৰা উফি আঁতৰোৱাত সহায় কৰে। এলোভেৰাৰ জেল উলিয়াই চুলিত লগাব। ১৫-২০ মিনিট চুলিৰ ওপৰত ৰাখিব, তাৰ পিছত চুলি ধুব।
Continue Reading
