উৰিব নাপালেই ৰানৱে’তে পাইলতে খুন্দিয়ালে বৈদ্যুতিক খুটাত

ডিজিটেল ডেস্কঃ দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত স্পাইচজেটৰ এখন বিমান দুৰ্ঘটনাগ্ৰস্ত হৈছে। খবৰ অনুসৰি যাত্ৰীবাহী বিমানখনে বিমানবন্দৰৰ ভিতৰতে এটা বৈদ্যুতিক খুটাত খুন্দা মাৰিছিল। বিমানবন্দৰৰ সূত্ৰই কৈছিল যে বিমানখন পুছবেকৰ সময়ত ঘটনাটো সংঘটিত হৈছে। এক ডাঙৰ দুৰ্ঘটনাৰ পৰা কথমপি ৰক্ষা পৰিল বুলি বিমান বন্দৰ কৰ্তৃপক্ষই জানিবলৈ দিছে। বিমান বন্দৰৰ সূত্ৰঅনুসৰি, স্পাইচজেটৰ বিমানখন সোমবাৰে আবেলি দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰৰ পৰা জম্মু-কাশ্মীৰলৈ গৈ আছিল। এছজি-১৬০ নম্বৰ বিমানখন পুছবেকৰ সময়ত সোঁ ফালৰ এটা অংশ বৈদ্যুতিক খুটাৰ সৈতে সংঘৰ্ষ হৈছিল। তেতিয়াই বিমানখনৰ সেই অংশটো ক্ষতিগ্ৰস্ত হৈ বিদ্যুত এটা খুটাও বেঁকা হৈ আছে। স্পাইচজেটৰকৰ্তৃপক্ষৰ মতে, যাত্ৰীসকল বৰ্তমান সুৰক্ষিত, তেওঁলোকক আন এখন বিমানত গন্তব্যস্থানলৈ লৈ যোৱাৰ ব্যৱস্থা কৰা হৈছে। কিছুদিনৰ পূৰ্বে, দুখন ইণ্ডিগো বিমান মধ্য বতাহৰ সংঘৰ্ষৰ পৰা কথমপি বাছিচিল। বেংগালুৰু বিমানবন্দৰৰ পৰা উৰণৰ অলপ পাছতে, বেংগালুৰুৰ পৰা কলকাতালৈ ৬ ই ৪৫৫ আৰু বেংগালুৰুৰ পৰা ভুৱনেশ্বৰলৈ ৬ ই ২৪৬ খন বিমান মাজ আকাশত মুখামুখি হৈছিল। অৱশ্যে বিমান দুখন কথমপি ৰক্ষা পৰিছিল। কেম্পেগৌড়া আন্তঃৰাষ্ট্ৰীয় বিমানবন্দৰ