ডিজিটেল ডেস্কঃ নোৰা ফাতেহীয়ে নাচি ভাল পায়। তাতে ৬ ফেব্ৰুৱাৰীত পাৰ হৈ গ’ল ৩১তম জন্মদিন! কোনে পায় আৰু! বন্ধু-বান্ধৱীৰ সৈতে ডুবাইত আছে নোৰা। প্ৰমোদতৰীৰ ভিতৰত মজা কৰি আছে আইটেম গাৰ্ল গৰাকীয়ে। সাগৰৰ নীলা ৰঙৰ মাজৰ প্ৰমোদতৰীত ৰঙীন ফুলেৰে ৰং কৰা চুটি পোছাক পিন্ধি নোৰাই মন গ’লেই বেলি ডান্সিং কৰিছে, মন গ’লেই হিপ ডান্সিং কৰিছে। মুঠতে জন্মদিনত নোৰাৰ মেজাজ সম্পূৰ্ণ প্ৰফুল্ল।
প্ৰমোদতৰীখন বগা বিচনা চাদৰেৰে সজোৱা হৈছে। এটা দামী কেক তাত থোৱা হৈছে। বন্ধুবৰ্গৰ স’তে নোৰাৰ একেলগে নচাৰ ভিডিঅ’ই ছ’চিয়েল মিডিয়াত জুই জ্বলাইছে।
জন্মদিনৰ পাৰ্টিৰ পৰাই সামাজিক মাধ্যমত এটা পোষ্ট দিলে নোৰাই। তাত তেওঁ লিখিছে, "মই ভাবিছিলো যে মই দৃষ্টি আকৰ্ষণ কৰিম, কিন্তু দৃষ্টিয়েই মোক আকৰ্ষণ কৰিলে।’’
চঞ্চল ছোৱালীৰ দৰে নোৰাই সাগৰৰ পাৰত একেলগে নাচিছে। তাৰপাছতে বন্ধু-বান্ধৱীসকলক তেওঁ লৈ গ’ল ৰাতিৰ আহাৰ খাবলৈ। এখন বিলাসী ৰেষ্টুৰেণ্টত ৰাতিৰ আহাৰ সকলোৱে খালে।
যোৱা ডিচেম্বৰ মাহত ফিফা বিশ্বকাপৰ সামৰণি অনুষ্ঠানত নৃত্য প্ৰদৰ্শনৰ দ্বাৰা নোৰাই সকলোৰে হৃদয়ত স্থান দখল কৰিছিল। প্ৰথমগৰাকী ভাৰতীয় কলা-কুশলী হিচাপে নোৰাই ‘লাইট দ্য স্কাই’ গীতটোৰ জৰিয়তে এক নজিৰ গঢ়ি তুলিছিল।
Continue Reading
