ৰুম হিটাৰেই হ’ল কাল; বিস্ফোৰণত দুমহীয়া কেঁচুৱাসহ তিনিজনৰ কৰুণ মৃত্যু

শ্বেখপুৰ থানাৰ অন্তৰ্গত মুণ্ডনা গাঁৱত সংঘটিত হৈছে এই ঘটনা। ইয়াত বাস কৰা দীপক নামৰ ব্যক্তিজনে ২ বছৰ পূৰ্বে জয়পুৰৰ সঞ্জু যাদৱৰ সৈতে প্ৰেমবিবাহ হৈছিল। দুমাহ আগতে দীপকৰ ঘৰত এগৰাকী কন্যা সন্তান জন্ম হৈছিল। দীপক আৰু সঞ্জু হিটাৰ জ্বলাই কোঠাটোত শুই আছিল।আৰু হঠাৎ নিশা হিটাৰৰ পৰা জুই লাগে। ইয়াৰ বাবেই দীপক আৰু তেওঁৰ কন্যা নিশিকাৰ থিতাতে মৃত্যু হয়, আনহাতে মহিলাগৰাকীক গুৰুতৰভাৱে পোৰাৰ ফলত আঘাতপ্ৰাপ্ত হয়।তেওঁক চিকিৎসাৰ বাবে আলৱাৰৰ ৰাজীৱ গান্ধী অসামৰিক চিকিৎসালয়ত ভৰ্তি কৰোৱা হয়, য'ত মহিলাগৰাকীৰ মৃত্যু হয়। গাঁৱৰ ৰাইজ আৰু আৰক্ষীয়ে জনোৱা মতে, নিশা প্ৰায় ১.৩০ বজাত অত্যধিক গৰমৰ বাবে ঘৰৰ কাপোৰবোৰত জুই লাগিছিল, তাৰ পাছত জুই দ্ৰুতগতিত তিনিওজনকেই জুইৰ শিখাই আগুৰি ধৰে। চিঞৰ-বাখৰ শুনি গাঁৱৰ মানুহখিনি সেই স্থান পালে যদিও তেতিয়ালৈকে গোটেই কোঠাটো জ্বলি গৈছিল। গাঁৱৰ মানুহে যেনে-তেনে তিনিওকে উলিয়াই আনে। ইয়াত পিতৃ-কন্যাৰ মৃত্যু হৈছিল, আনহাতে মহিলাগৰাকীয়ে ৮০%তকৈ অধিক জ্বলি গৈছিল। অতিৰিক্ত আৰক্ষী অধীক্ষক তেজপাল সিঙে জানিবলৈ দিয়া মতে, মহিলাগৰাকী চিকিৎসালয়ত চিকিৎসাধীন হৈ আছিল। চিকিৎসাৰ সময়তে তেওঁৰ মৃত্যু হয়। মৰণোত্তৰ পৰীক্ষাৰ অন্তত মৃতদেহটো আত্মীয়ৰ হাতত গতাই দিয়া হৈছে।