ডিজিটেল ডেস্কঃ দেশ অৰ্থনৈতিক দিশত আগুৱাই গৈছে বুলি বহুতে দাবী কৰি অহাৰ সময়তে মানৱ সম্পদ উন্নয়নৰ ক্ষেত্ৰত যে ভাৰত পিছুৱাই আছে সেই কথা ৰাষ্ট্ৰসংঘৰ এক শেহতীয়া প্ৰতিবেদনতে স্পষ্ট হৈছে।ৰাষ্ট্ৰসংঘৰ উন্নয়ন কাৰ্যসূচী (ইউএনডিপি)ৰ দ্বাৰা প্ৰকাশিত এক প্ৰতিবেদন অনুসৰি ২০২১ চনৰ মানৱ উন্নয়ন সূচকত ভাৰতে ১৯১ খন দেশৰ ভিতৰত ১৩২ তম স্থান লাভ কৰিছে।
প্ৰতিবেদন অনুসৰি ভাৰতৰ মানৱ উন্নয়ন সূচক হৈছে ০.৬৩৩। এই হাৰৰ সূচকত থকা দেশক মানৱ সম্পদ উন্নয়নৰ ক্ষেত্ৰত মধ্যম শ্ৰেণীত থকা দেশ বুলি ধৰা হৈছে।২০২০ চনৰ প্ৰতিবেদনত ভাৰতৰ মানৱ উন্নয়ন সূচকৰ হাৰ আছিল ০.৬৪৫ তকৈ কম। ২০২০ চনৰ মানৱ উন্নয়ন সূচকত ১৮৯ খন দেশৰ ভিতৰত ভাৰতে ১৩১ সংখ্যক স্থান লাভ কৰিছিল। প্ৰতিবেদন খনত কোৱা হৈছে যে ভাৰতৰ প্ৰত্যাশিত স্কুলীয়া শিক্ষাৰ গড় বছৰ হৈছে ৬.৭ বছৰ।
মানৱ উন্নয়ন - এখন ৰাষ্ট্ৰৰ স্বাস্থ্য, শিক্ষা আৰু গড় উপাৰ্জনৰ এক পৰিমাপ । এনেবোৰ বিষয়ত একেৰাহে দুবছৰৰ বাবে ভাৰতে বেয়া ফলাফল দেখুৱাইছে। ৰাষ্ট্ৰসংঘৰ প্ৰতিবেদনত লগতে কোৱা হৈছে যে ৩২ বছৰত প্ৰথমবাৰৰ বাবে সমগ্ৰ বিশ্বত মানৱ উন্নয়ন স্তব্ধ হৈ পৰিছে।
প্ৰতিবেদনত কোৱা হৈছে। মানৱ সম্পদৰ সঠিক উন্নয়ন নোহোৱা বাবে ভাৰতৰ বিকাশৰ গতিপথত প্ৰভাৱ পেলাইছে বুলি প্ৰতিবেদনত কোৱা হৈছে।মানৱ উন্নয়ন সূচকে মানৱ সম্পদ বিকাশৰ ৩ টা মুখ্যবিষয়ৰ প্ৰগতি পৰিমাপ কৰে । সেয়া হৈছে এক স্বাস্থ্যৱান জীৱন, শিক্ষাৰ অধিকাৰ আৰু জীৱনধাৰণৰ এক সুন্দৰ মান। ইয়াক চাৰিটা সূচক ব্যৱহাৰ কৰি গণনা কৰা হয় - জন্মৰ সময়ত জীৱনৰ প্ৰত্যাশা, স্কুলীয়া শিক্ষাৰ বছৰ, স্কুলীয়া শিক্ষাৰ প্ৰত্যাশিত বছৰ, আৰু জনমূৰি মুঠ ৰাষ্ট্ৰীয় উপাৰ্জন (জিএনআই)।
Continue Reading
