ডিজিটেল ডেস্কঃ প্ৰেম দিৱসত গৰুক সাৱটি নল’লেও হ’ব! ব্যাপক সমালোচনাৰ সন্মুখীন হৈ অৱশেষত কেন্দ্ৰই প্ৰত্যাহাৰ কৰিলে গৰু আলিংগনৰ অনুৰোধ। কেন্দ্ৰৰ ভাৰতীয় পশু কল্যাণ ব’ৰ্ডে শুকুৰবাৰে প্ৰকাশ কৰা অনুসৰি ১৪ ফেব্ৰুৱাৰীত গৰু আলিংগন কৰাৰ অনুৰোধ প্ৰত্যাহাৰ কৰা হৈছে।
এই সন্দৰ্ভত কেন্দ্ৰীয় সংস্থাটোৱে জাৰি কৰা নিৰ্দেশনাক কেন্দ্ৰ কৰি সমগ্ৰ দেশতে তীব্ৰ সমালোচনাৰ সৃষ্টি হৈছে। ইয়াৰ পিছত ব’ৰ্ডে এই সিদ্ধান্ত লৈছে।
'ভেলেন্টাইন ডে' পশ্চিমীয়া সংস্কৃতিৰ অন্ধ অনুকৰণ বুলি হিন্দুত্ববাদীসকলৰ এটা শ্ৰেণীৰ মুখত শুনা যায়। বিজেপিৰ বহু লোকেও এই দিৱসৰ বিৰোধিতা কৰে। প্ৰেম দিৱসৰ দিনা বিজেপি বা তেওঁলোকৰ ঘনিষ্ঠ যিকোনো সংগঠনে প্ৰেম ৰোধ কৰিবলৈ ৰাস্তাত নামি আহে ৰাজপথলৈ। প্ৰেমিক দম্পতী দেখা পোৱাৰ লগে লগে হাৰাশাস্তিৰ অভিযোগ উত্থাপন হয়।
এতিয়া পশু কল্যাণ পৰিষদে প্ৰেম দিৱসৰ দিনা গৰু সাৱটি ধৰিবলৈ আহ্বান জনাইছিল। বৃহস্পতিবাৰে আশা প্ৰকাশ কৰি কয় ব’ৰ্ডে কৈছিল- "ব'ৰ্ডৰ আহ্বানৰ প্ৰতি সঁহাৰি জনাই মানুহে প্ৰেম দিৱসত গৰু সাৱটি ধৰি 'গৰু আলিংগন দিৱস' পালন কৰিব।"
যাৰ লগে লগে ছ’চিয়েল মিডিয়াত আৰম্ভ হ’ল নানাধৰণৰ কৌতুক। শেষত পৰিষদে এই নিৰ্দেশ প্ৰত্যাহাৰ কৰে। সংবাদ সংস্থা পিটিআইয়ে জাৰি কৰা জাননীত পৰিষদৰ সম্পাদক এছ কে দত্তই কয় যে ভাৰতীয় পশু কল্যাণ পৰিষদে ১৪ ফেব্ৰুৱাৰীক ‘গৰু আলিংগন দিৱস’ হিচাপে পালন কৰিবলৈ কৰা অনুৰোধ প্ৰত্যাহাৰ কৰা হৈছে।
Continue Reading
