উত্তৰ প্ৰদেশত শ্ৰদ্ধা কাণ্ডৰ পুনৰাবৃত্তি! প্ৰেমিকাক হত্যা কৰি দেহ টুকুৰা টুকুৰ কৰিলে প্ৰেমিকে

আফতাবে শ্ৰদ্ধাৰ শৰীৰৰ ৩৫ টুকুৰা কাটিছিল আৰু ৰাজকুমাৰে তেওঁৰ প্ৰাক্তন প্ৰেমিকাৰ শৰীৰটো ৬ টুকুৰাকৈ কাটি পেলাইছে। ১৫ নৱেম্বৰত আজমগড়ৰ পশ্চিমী গাঁৱৰ এটা কুঁৱাত এগৰাকী যুৱতীৰ এটা বিকৃত মৃতদেহ ওপঙি থকা অৱস্থাত পোৱা গৈছিল। তাৰ পিছতে আৰম্ভ হৈছিল আৰক্ষীৰ  তদন্ত । অৰ্ধ-উলংগ অৱস্থাত এগৰাকী যুৱতীৰ মৃতদেহৰ ছয়টুকুৰা উদ্ধাৰ কৰিবলৈ সক্ষম হৈছিল আৰক্ষী।  কটা মূৰটো কুঁৱাৰ পৰা উদ্ধাৰ কৰা হৈছিল। ইফালে, মূৰটো উদ্ধাৰ কৰিবলৈ চেষ্টা কৰি থকা অৱস্থাত অভিযুক্ত ৰাজকুমাৰৰ সৈতে আৰক্ষীৰ এনাউণ্টাৰ হৈছিল।  আৰক্ষীৰ মতে ৰাজকুমাৰৰ  ওচৰত এটাদেশীয় বন্দুক আছিল। ঘটনাস্থলীত উপস্থিত হোৱাৰ লগে লগে তেওঁ আৰক্ষীক লক্ষ্য কৰি  গুলীচালনা কৰিছিল। আৰক্ষীয়েও গুলীচালনা কৰাত হত্যাকাৰী ৰাজকুমাৰ গুৰুতৰভাবে আহত হৈছিল।

আজমগড়ৰ আৰক্ষী অধীক্ষক অনুৰাগ আৰ্যই কয় যে মৃত যুৱতীগৰাকীক  আৰাধনা বুলি চিনাক্ত কৰা হৈছে। তেওঁ ইছাকপুৰ গাঁৱৰ বাসিন্দা আছিল। জেৰাৰ সময়ত ৰাজকুমাৰে কয়  যে তেওঁ আৰাধনাক তেওঁৰ  সৈতে সম্পৰ্ক ছেদ কৰি   আন কাৰোবাৰ সৈতে  বিয়া হ’বলৈ কৈছিল। কিন্তু আৰাধনাই তেনে কৰিবলৈ অসন্মত হোৱাত তেওঁক হত্যা কৰে। ৰাজকুমাৰে তেওঁৰ সম্পৰ্কীয় ভাই সৰ্বেশৰ সৈতে মিলি আৰাধনাক শ্বাসৰুদ্ধ কৰি হত্যা কৰিছিল। দুয়োজনে পিছত  আৰাধনাৰ  শৰীৰটো ছয় টুকুৰাকৈ কাটি পেলাইছিল। মৃতদেহটো এটা ক'লা পলিথিনৰ মোনাত ভৰাই গাওঁখনৰ এটা কুঁৱাত পেলাই দিয়া হৈছিল।