ডিজিটেল ডেস্ক: প্ৰাক্তন আইএএছ বিষয়া অৰুণ গোৱেলে আজি দেশৰ নতুন নিৰ্বাচন আয়ুক্ত হিচাপে দায়িত্ব গ্ৰহণ কৰিছে। পঞ্জাব কেডাৰৰ ১৯৮৫ বৰ্ষৰ আইএএছ বিষয়া গোৱেলে ১৮ নৱেম্বৰত স্বেচ্ছামূলক অৱসৰ গ্ৰহণ কৰিছিল। তেওঁক শনিবাৰে নিৰ্বাচন আয়ুক্ত হিচাপে নিযুক্তি দিয়া হৈছিল।
তেওঁ ৬০ বছৰ বয়স সম্পূৰ্ণ কৰাৰ পাছত চলিত বৰ্ষৰ ৩১ ডিচেম্বৰত অৱসৰ গ্ৰহণ কৰিবলগীয়া লাগিছিল। তেওঁ মুখ্য নিৰ্বাচন আয়ুক্ত ৰাজীৱ কুমাৰ আৰু নিৰ্বাচন আয়ুক্ত অনুপ চন্দ্ৰ পাণ্ডেৰ সৈতে নিৰ্বাচনী পেনেলত যোগদান কৰিছে।
এই বছৰৰ মে’ত মুখ্য নিৰ্বাচন আয়ুক্ত হিচাপে সুশীল চন্দ্ৰৰ অৱসৰৰ পিছত আয়োগত এটা খালী পদ আছিল।
গোৱেল তেতিয়ালৈ উদ্যোগ সচিব আছিল। তেওঁ কেন্দ্ৰীয় সংস্কৃতি মন্ত্ৰণালয়তো সেৱা আগবঢ়াইছে।
গুজৰাটত এক আৰু পাঁচ ডিচেম্বৰত দুটা পৰ্যায়ৰ নিৰ্বাচন অনুষ্ঠিত হোৱাৰ কেইদিনমান পূৰ্বে তেওঁ নিযুক্তি লাভ ৰৰিছে।
অহা মাহত নাগালেণ্ড, মেঘালয়, ত্ৰিপুৰা আৰু কৰ্ণাটকৰ নিৰ্বাচনৰ সময়সূচী নিৰ্ধাৰণ কৰাৰ সময়ত নিৰ্বাচনী পেনেলৰ সম্পূৰ্ণ কৰ্তৃত্ব থাকিব।
Continue Reading
