ডিজিটেল ডেস্কঃ খাদ্য সামগ্ৰীৰ আন্তঃৰাষ্ট্ৰীয় প্ৰতিষ্ঠান মেকডনাল্ডছ ইণ্ডিয়া - নৰ্থ এণ্ড ইষ্টৰ ব্ৰেণ্ড এম্বেচেডৰ হিচাবে নিযুক্তি দিয়া হৈছে অভিনেতা কাৰ্তিক আৰিয়ানক । কোম্পানীৰ ব্ৰেণ্ড এম্বেচেডৰ হিচাপে চুক্তিপত্ৰত স্বাক্ষৰ কৰি অভিনেতাগৰাকীয়ে কয় যে যুৱসকলৰ সৈতে তেওঁৰ শক্তিশালী সংযোগে কোম্পানীটো ব্যৱসায় শক্তিশালী কৰিব বুলি তেওঁ আশাবাদী।
কোম্পানীটোৰ ভাৰতীয় শাখাৰ অধ্যক্ষ সঞ্জীৱ আগৰৱালাই কয়, "কাৰ্তিক আৰ্যন এজন যুৱ আইকন আৰু পৰিয়ালসমূহৰ মাজত এক জনপ্ৰিয় নাম। আমি অনুভৱ কৰোঁ যে দৰ্শকৰ সৈতে তেওঁৰ শক্তিশালী সম্পৰ্ক, গণ আবেদন আৰু মনোমোহা ব্যক্তিত্ই তেওঁক ভাৰতৰ যুৱ প্ৰজন্মৰ বাবে এক আইকন হিচাপে প্ৰতিষ্ঠা কৰিছে । আমি তেওঁক 'মেকফেমিলি'লৈ স্বাগতম জনাবলৈ পাই উৎসাহিত।"
অভিনেতাজনে সকলো বয়সৰ লোকক কোম্পানীটোৰ বিপনীলৈ স্বগতম জনায়। উচ্চ ব্ৰেণ্ডৰ খাদ্যই সকলোকে আনন্দিত কৰিব বুলিও তেওঁ কয়। উল্লেখ্য এই অঞ্চলৰ ব্যৱসায় কনট প্লাজা ৰেষ্টুৰেণ্ট প্ৰাইভেট লিমিটেডে পৰিচালনা কৰে আৰু সমগ্ৰ উত্তৰ আৰু পূৱ ভাৰতত ইয়াৰ ১৫০ খন বিপনী আছে।কোম্পানীটোৱে ৫,০০০ লোকক নিযুক্তি প্ৰদান কৰিছে। গুৱাহাটীতো মেকডনাল্ডছ ইণ্ডিয়াৰ বিপনী আছে।
Continue Reading
