উত্তৰাখণ্ডৰ সুৰংগ নিৰ্মাণত নাম সাঙোৰ খাইছে আদানীৰ; কি ক’লে আদানী গ্ৰুপে?

দৰাচলতে ছচিয়েল মিডিয়াত অবিৰতভাৱে কোৱা হৈছিল যে ছিল্ক্যৰা সুৰংগ নিৰ্মাণৰ লগত জড়িত কোম্পানীটোৰ আদানী গ্ৰুপৰ সৈতে সম্পৰ্ক আছে আৰু আদানী গ্ৰুপৰ নিৰ্মাণ কোম্পানীটোৰ শ্বেয়াৰ আছে। ইয়াৰ পাছত আদানী গ্ৰুপে এই অভিযোগ অস্বীকাৰ কৰি কয় যে সুৰংগ নিৰ্মাণৰ সৈতে গোটটোৰ প্ৰত্যক্ষ বা পৰোক্ষভাৱে কোনো সম্পৰ্ক নাই। আদানী গ্ৰুপৰ মুখপাত্ৰই কয় যে সুৰংগ নিৰ্মাণ কোম্পানীটোত গ্ৰুপৰ কোনো শ্বেয়াৰ নাই। আদানী গ্ৰুপে কয় যে, আমি জোৰ দি স্পষ্ট কৰিব বিচাৰোঁ যে আদানী গ্ৰুপ বা ইয়াৰ কোনো সহযোগী কোম্পানীয়ে সুৰংগটো নিৰ্মাণৰ ক্ষেত্ৰত প্ৰত্যক্ষ বা পৰোক্ষভাৱে কোনো ধৰণে জড়িত নাই। লগতে উল্লেখ কৰে যে আমি এইটোও স্পষ্ট কৰিব বিচাৰো যে নিৰ্মাণৰ লগত জড়িত কোম্পানীটোৰ কোনো শ্বেয়াৰ আমাৰ স্বতাধিকাৰী বা সহযোগীৰ নহয়।