ডিজিটেল ডেস্কঃ উত্তৰাখণ্ডৰ উত্তৰকাশী জিলাৰ যমুনোত্ৰী ৰাষ্ট্ৰীয় ঘাইপথত নিৰ্মাণ হৈ থকা ছিলকাৰা সুৰংগৰ এটা অংশ ভাঙি পৰাত আবদ্ধ শ্ৰমিকক উদ্ধাৰৰ বাবে যুদ্ধৰ ভিত্তিত উদ্ধাৰৰ কাম চলি আছে। প্ৰতিদিনে সকলো ভাল খবৰৰ অপেক্ষাত আছে। ছিলকাৰা সুৰংগত ৪১ জন শ্ৰমিক আবদ্ধ হৈ থকা ১৩ দিন হ’ল আৰু এতিয়ালৈকে তেওঁলোক ওলাই আহিব পৰা নাই।
আজি উদ্ধাৰ অভিযানৰ ১৪ দিন আৰু এই আটাইকেইজন শ্ৰমিকে পাহাৰ ভাঙি ওলাই আহিব বুলি আশা কৰা হৈছে। কিন্তু আজি তেওঁলোক কেতিয়া ওলাব সেইটো স্পষ্টকৈ কোৱাটো অলপ কঠিন হৈ পৰিছে কিয়নো কাৰণ ড্ৰিলিঙৰ কামত অহৰহ ব্যাঘাত জন্মিছে। অনুমান কৰা হৈছে যে প্ৰায় ৫০ মিটাৰ পৰ্যন্ত ড্ৰিলিং কৰা হৈছে আৰু উদ্ধাৰকাৰী দল আৰু শ্ৰমিকৰ মাজত মাত্ৰ ১০ মিটাৰ দূৰত্ব বাকী আছে।
১৩ দিন উত্তৰকাশী সুৰংগত আবদ্ধ হৈ থকা শ্ৰমিকৰ তিনিজনৰ স্বাস্থ্যৰ অৱনতি ঘটিছে। ডাক্তৰে পাইপৰ জৰিয়তে প্ৰয়োজনীয় ঔষধ পঠিয়াইছে। তিনিজন শ্ৰমিকে মূৰৰ বিষ, বমি আৰু বুকুৰ বিষৰ অভিযোগ উত্থাপন কৰিছে। একাংশ শ্ৰমিকে খোৱা বন্ধ কৰি দিছে। পুৱাৰে পৰা আহাৰ খোৱা নাই শ্ৰমিকসকলে। পৰিয়ালৰ লোকৰ সৈতে কথা পাতি আৱেগিক হৈ পৰে শ্ৰমিকসকল, লগে লগে তিনিজন মনোৰোগ বিশেষজ্ঞক সেই স্থানলৈ প্ৰেৰণ কৰা হয় যিয়ে এতিয়া শ্ৰমিকৰ সৈতে কথা পাতিব।
Continue Reading
