ডিজিটেল ডেস্ক: জীৱনৰ সমস্যা সমাধানবিহীন গণিত নহয়৷ সমাধান থাকেই প্ৰতিটো সমস্যাৰ৷ মাথোঁ জীৱনক ভালপাব লাগে৷ আশাৰ পোহৰেৰে মচি দিব লাগে হতাশাৰ প্ৰচ্ছায়া৷ গভীৰ সুৰংগৰো শেষ থাকে৷ সুৰংগৰ শেষত থাকে আশাৰ পোহৰ৷
আশা আৰু জীৱনৰ পোহৰেৰে সুৰংগৰ শেষৰ পৰা উদ্ধাৰ কৰা হৈছিল শ্ৰমিকসকলক৷ উত্তৰাখণ্ডৰ এই ঘটনাত দৃষ্টি নিবদ্ধ আছিল দেশবাসীৰ৷ বিশেষকৈ শ্ৰমিকসকলক সুকলমে উদ্ধাৰ কৰাৰ পাছত স্বস্তিৰ নিশ্বাস পেলাইছিল সকলোৱে৷
এতিয়া সুৰংগৰ এই কাহিনীৰে নিৰ্মাণ কৰা হ’ব চিনেমা৷ উত্তৰকাশীৰ বাস্তৱিক কাহিনীৰে নিৰ্মাণ হোৱাৰ দিশে চিনেমা৷ জানিব পৰা গৈছে যে ভাৰতৰ সফল অভিযানৰ আধাৰত কেইবাগৰাকীও চলচ্চিত্ৰ-নিৰ্মাতা আৰু প্ৰযোজনা-প্ৰতিষ্ঠান সাজু হৈছে৷ ভাৰতীয় চলচ্চিত্ৰ প্ৰযোজক সংস্থা (আইএমপিপিএ), প্ৰডিউচাৰ গীল্ড অব্ ইণ্ডিয়া আৰু মুম্বাইৰ ইণ্ডিয়ান ফিল্ম এণ্ড টেলিভিছন প্ৰডিউচাৰ কাউন্সিলে (আইএফটিপিচি) ইতিমধ্যে চিনেমা শিৰোনামৰ তালিকা দাখিল কৰা আৰম্ভ কৰিছে।
আইএমপিপিএৰ অধ্যক্ষ অভিনেতা অনিল নাগ্ৰাই কয় যে তেওঁৰ কাৰ্যালয়ে ইতিমধ্যে চিনেমাৰ ‘টাইটেল’ বুক কৰাৰ বাবে কেইটামান অনুৰোধ লাভ কৰিছে। ‘উদ্ধাৰ, উদ্ধাৰ ৪১, আৰু মিছন ৪১ -৷দ্য গ্ৰেট ৰেচকিউ’ৰ দৰে শিৰোনাম দাখিল কৰা আৰম্ভ হৈছে। যিবোৰ ইতিমধ্যে পঞ্জীয়ন কৰা হৈছে। অৱশ্যে, ঘটনাটোৰ পৰিপ্ৰেক্ষিতত এনে বহুতো নাম এতিয়াও পঞ্জীয়ন কৰা হ’ব বুলি আশা কৰা হৈছে।
Continue Reading
