ডিজিটেল ডেস্কঃ পশু অধিকাৰ সংস্থা পেটাই ঘোষণা কৰিছে যে ব্ৰিটেইনৰ সেনাই পিন্ধা ভালুকৰ ছালৰ টুপীৰ পৰীক্ষা কৰিবলৈ অস্বীকাৰ কৰাৰ বাবেই সংস্থাটোৱে দেশ খনৰ প্ৰতিৰক্ষা মন্ত্ৰালয়ৰ বিৰুদ্ধে গোচৰ ৰুজু কৰিব। উল্লেখ্য ভালুকৰ ছালেৰে প্ৰস্তুত কৰা বুলি সন্দেহ কৰা ওখ ক'লা টুপীবোৰ ব্ৰিটেইনৰ অভিজাত ৰেজিমেণ্টৰ জোৱানে পিন্ধে৷
বাকিংহাম পেলেচৰ বাহিৰত চেঞ্জিং অফ দা গাৰ্ড অনুষ্ঠানটো এনে টুপী পিন্ধা দেখা গৈছে। পেটাই দীৰ্ঘদিন ধৰি কানাডিয়ান ক'লা ভালুকৰ ছালৰ ব্যৱহাৰৰ বিৰুদ্ধে মাত মাতি আহিছে। পশু অধিকাৰ গোটটোৱেএনে টুপীৰ ব্যৱহাৰ নিষিদ্ধ কৰিবলৈ দাবী জনাই আহিছে৷ " আমি আদালতৰ হস্তক্ষেপ বিচাৰিছো যাতে বিষয়টো ন্যায্য প্ৰক্ৰিয়াৰ দ্বাৰা এক সিদ্ধান্তত উপনীত হয়," পেটাৰ পদাধিকাৰ লৰ্না হেকেটে কয়।
তেওঁ লগতে কয় যে ব্ৰিটেইনে টুপীবোৰ পৰীক্ষা কৰিবলৈ অস্বীকাৰ কৰিছিল৷ কিন্তু ব্ৰিটেইনে তেওঁলোকে বহুবছৰ ধৰি টেনে টুপীৰ পৰীক্ষা কৰোৱাব বুলি প্ৰতিশ্ৰুতি দি অহা বুলিও তেওঁ কয়। পেটাৰ জ্যেষ্ঠ প্ৰচাৰ ব্যৱস্থাপক কেট ৱেৰ্ণাৰে কয় যে ব্ৰিটেইনৰ চৰকাৰে এই বছৰৰ আৰম্ভণিতে এক বিবৃতিত কৈছিল যে তেনে টুপী সলনি কৰাৰ কোনো পৰিকল্পনা চৰকাৰৰ নাই৷ কাৰণ টুপীবোৰ নকল ছালেৰেহে প্ৰস্তুত কৰা হৈছে৷ কিন্তু নকল ছাল হ’লেও সেইবোৰ ভালুকৰ ছাল যেনেই লাগে৷
Continue Reading
