ডিজিটেল ডেস্কঃ আৰম্ভণিতে শলঠেকত পৰিছিল ভাৰতৰ ইনিংছ। মাত্ৰ ৩৩ ৰানত ৩টা উইকেট হেৰুৱাইছিল দলটোৱে। তাৰ পৰাই ৰোহিত শৰ্মা আৰু ৰবীন্দ্ৰ জাডেজাই দলক আগুৱাই নিয়ে। অভিষেক টেষ্টত সৰফৰাজ খানেও অৰ্ধশতক কৰে। ফলস্বৰূপে প্ৰথম দিনটোৰ শেষত ভাৰতৰ ৰান ৫ উইকেটত ৩২৬ ৰান হয়।
টছত জয়ী হৈ ৰোহিতে প্ৰথমে বেটিং কৰাৰ সিদ্ধান্ত লয়।য়শস্বী জয়ছোৱালে ১০ ৰান সংগ্ৰহ কৰি আউট হয়। পূর্বৰ টেষ্টত শতক অর্জন কৰিছিল যদিও এই টেষ্টৰ প্রথম ইনিংছত শ্বুবমান গিলে শূন্য ৰাণতে আউট হয়। ৰান নাপালে ৰজত পাতিদাৰেও। ৩৩ ৰানত ৩টা উইকেট হেৰুৱাই হেঁচাত পৰে ভাৰত।
জটিল পৰিস্থিতিত জাদেজা ৰোহিতৰ সৈতে বেটিং কৰিবলৈ আহিছিল। দুপৰীয়াৰ আহাৰ গ্ৰহণৰ বিৰতিৰ পূৰ্বে অৰ্ধ শতক অৰ্জন কৰে ৰোহিতে। ৰোহিতৰ পাছতো জাদেজাই অৰ্ধশতক অৰ্জন কৰে। ১৩১ ৰানৰ অন্তত আউট হয় ৰোহিতে। ইয়াৰ পিছত ছাৰফৰাজে বেটিং কৰিবলৈ আহিছিল। স্পিনাৰসকলৰ বিৰুদ্ধে তেওঁ আক্ৰমণাত্মক বেটিং কৰিছিল ছৰফৰাজে। মাত্ৰ ৪৮টা বলতে অৰ্ধশতক অৰ্জন কৰে। ৬৬ বলত ৬২ ৰানৰ ইনিংছ খেলে ছৰফৰাজে।
জাদেজাই ঘৰুৱা খেলত আৰু এটা শতক অৰ্জন কৰে। দিনৰ শেষত এতিয়াও জাডেজা ক্ৰীজত আছে। তেওঁ ১১০ ৰান কৰি খেলি আছে।
Continue Reading
